കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

എം. എന്‍. വിജയനെതിരെ ചിന്ത

  • By Staff
Google Oneindia Malayalam News

തിരുവനന്തപുരം: ജനകീയാസൂത്രണ വിവാദത്തില്‍ പാര്‍ട്ടിക്ക് അംഗീകരിക്കാനാവാത്ത തരത്തിലുള്ള നീക്കമാണ് എം. എന്‍. വിജയന്‍ നടത്തുന്നതെന്ന് സി പി എം പ്രസിദ്ധീകരണമായ ചിന്തയില്‍ പാര്‍ട്ടി സൈദ്ധാന്തികനായ സി. പി. നാരായണന്‍ എഴുതിയ ലേഖനത്തില്‍ പറയുന്നു.

പാര്‍ട്ടിക്ക് പുറത്തുനിന്നു കൊണ്ട് ഇന്നതു ചെയ്യണമെന്ന് ആജ്ഞാപിക്കുന്നതും തന്റെ വാദഗതി വെല്ലുവിളിയുടെ സ്വരത്തില്‍ ഉന്നയിക്കുന്നതും പാര്‍ട്ടിക്ക് അംഗീകരിക്കാനാവില്ലെന്നാണ് സി. പി. നാരായണന്റെ ലേഖനത്തില്‍ പറയുന്നത്.

യുക്തിക്ക് നിരക്കാത്ത നിഗമനങ്ങളാണ് ജനകീയാസൂത്രണത്തിന്റെ കാര്യത്തില്‍ വിജയന്‍ മുന്നോട്ടുവയ്ക്കുന്നത്. ആധുനിക ശാസ്ത്രീയ ചിന്തക്ക് പകരം മധ്യകാല മതചിന്തയാണ് അദ്ദേഹത്തിന്റേത്.

2001ലെ തിരഞ്ഞെടുപ്പില്‍ മാരാരിക്കുളം മണ്ഡലത്തില്‍ തോമസ് ഐസക്കിന് വേണ്ടി പ്രചാരണം നടത്തിയപ്പോള്‍ വിജയന്‍ മാഷ് ജനകീയാസൂത്രണത്തോട് വിയോജിച്ചിരുന്നില്ല. ഇപ്പോള്‍ അഭിപ്രായം മാറാന്‍ കാരണമെന്താണെന്ന് സി. പി. നാരായണന്‍ ചോദിക്കുന്നു.

വിജയന്‍ മാഷ് പത്രാധിപരായ പാഠം മാസികയില്‍ വന്ന ലേഖനമാണ് ഇപ്പോള്‍ കേരളത്തിലെ മാധ്യമങ്ങള്‍ പാര്‍ട്ടിക്കെതിരെ ഉപയോഗിക്കുന്നതെന്നും പാര്‍ട്ടിയെ രക്ഷിക്കണമെന്ന താത്പര്യമുണ്ടായിരുന്നെങ്കില്‍ പ്രശ്നം പാര്‍ട്ടിക്കുള്ളില്‍ തന്നെ പറഞ്ഞുതീര്‍ക്കാനാണ് ശ്രമിക്കേണ്ടിയിരുന്നെന്നും ലേഖനത്തില്‍ പറയുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X