വനം കൈയേറിയവരെ ഒഴിപ്പിക്കും: മന്ത്രി
തിരുവനന്തപുരം: വനഭൂമി കൈയേറിയ എല്ലാവരെയും ഒഴിപ്പിക്കുമെന്ന് വനംമന്ത്രി കെ. സുധാകരന് നിയമസഭയില് പറഞ്ഞു.
സിപിഎം നേതൃത്വത്തിലുള്ള ആദിവാസി ക്ഷേമസമിതി സംഘടിതമായി വനഭൂമി കൈയേറുന്നതിന് യാതൊരു ന്യായീകരണവുമില്ല. ഭൂമിയില്ലാത്ത എല്ലാ ആദിവാസി കുടുംബങ്ങള്ക്കും ഭൂമി നല്കുമെന്ന് സര്ക്കാര് വ്യക്തമാക്കിയിട്ടുള്ളതാണ്.
ആദിവാസികള്ക്ക് ഭൂമി വിതരണം ചെയ്യുന്നത് തുടരുകയാണ്. ഭൂമി വിതരണത്തില് കാലതാമസമുണ്ടെന്ന് പറഞ്ഞ് സി പി എമ്മിന് വനഭൂമി കൈയേറ്റത്തെ ന്യായീകരിക്കാനാവില്ല. ഒറ്റപ്പെട്ടതായാലും സംഘടിതമായാലും വനഭൂമി കൈയേറുന്നതിനെതിരെ സര്ക്കാര് നടപടി സ്വീകരിക്കും- മന്ത്രി പറഞ്ഞു.
ആദിവാസി കുടുംബങ്ങള്ക്ക് ഭൂമി നല്കുന്നതില് സര്ക്കാര് പരാജയപ്പെട്ടതില് പ്രതിഷേധിച്ചാണ് ആദിവാസി ക്ഷേമസമിതി പ്രവര്ത്തകര് വനഭൂമി കൈയേറുന്നതെന്ന് നേരത്തെ പ്രതിപക്ഷ നേതാവ് വി. എസ്. അച്യുതാനന്ദനന് പറഞ്ഞു.