ഖനനം: ക്ഷമപരീക്ഷിക്കരുതെന്ന് സുധീരന്
ആലുപ്പുഴ: കരിമണല് ഖനനത്തിനെതിരെ അക്രമരഹിതമായ മാര്ഗ്ഗത്തിലൂടെ നടത്തുന്ന സമരം ദൗര്ബല്യമായി കാണരുതെന്നും ജനങ്ങളുടെ ക്ഷമ ഇനിയും പരീക്ഷിക്കരുതെന്നും വി.എം. സുധീരന് എംപി.
കരിമണല് ഖനന തീരുമാനം സര്ക്കാര് പിന്വലിയ്ക്കണമെന്നാവശ്യപ്പെട്ട് കരിമണല് ഖനന വിരുദ്ധ കോ-ഓര്ഡിനേഷന് സമിതി യോഗത്തിന് ശേഷം നടന്ന വാര്ത്താസമ്മേളനത്തില് സംസാരിക്കുകയായിരുന്നു വി.എം. സുധീരന്.
തീരദേശത്തെ ജനത ഒറ്റക്കെട്ടായി നടത്തുന്ന പ്രതിഷേധവും ജനമുന്നേറ്റവും കണ്ടില്ലെന്ന് നടിയ്ക്കുന്ന നടപടി സര്ക്കാരിന് ചേര്ന്നതല്ല. എന്തൊക്കെ സഹിക്കേണ്ടിവന്നാലും ലക്ഷ്യം നേടുന്നതുവരെ കരിമണല് വിരുദ്ധ സമരത്തില് നിന്ന് പിന്മാറുകയില്ലെന്ന് സുധീരന് വ്യക്തമാക്കി.
ആഗസ്ത് ഒന്നിന് കരിമണല് ഖനനത്തിനെതിരെ ആലപ്പുഴ ജില്ലയിലെ ജനപ്രതിനിധികള് സത്യഗ്രഹം നടത്തും. ആലപ്പുഴ മുനിസിപ്പല് ടൗണ്ഹാളിന് സമീപം പ്രത്യേകം തയ്യാറാക്കിയ വേദിയില് ആലപ്പുഴ ജില്ലയിലെ എല്ലാ പഞ്ചായത്തുകളിലും നിന്നുള്ള പ്രതിനിധികള് സത്യഗ്രഹത്തില് പങ്കെടുക്കും. ഉച്ചയ്ക്ക് മൂന്നു മുതല് ആറ് വരെയാണ് സത്യഗ്രഹം. വിവിധ രാഷ്ട്രീയ സന്നദ്ധ സംഘടനാനേതാക്കളും സത്യഗ്രഹത്തില് പങ്കെടുക്കും. സപ്തംബര് മൂന്ന് കരിദിനമായി ആചരിയ്ക്കും.
ആലപ്പുഴയില് നടത്തുന്ന പ്രതിഷേധ സംഗമത്തിന്റെ നടത്തിപ്പിനായി കെ.സി. വേണുഗോപാല് എംഎല്എ കണ്വീനറും മുനിസിപ്പല് ചെയര്പേഴ്സണ് ലളിതമ്മ സോമനാഥന്, പ്രൊഫ. ജി. ബാലചന്ദ്രന്, പി.പി. ചിത്തരഞ്ജന്, എ.ഐ. ഷുക്കൂര്, മോളി ജേക്കബ്, എല്ജിന് റിച്ചാര്ഡ് എന്നിവര് അംഗങ്ങളുമായി ഉപസമിതിയെ നിയോഗിച്ചതായി സുധീരന് അറിയിച്ചു.