കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

എംഎല്‍എമാരെ പുറത്താക്കി സന്ദേശം

  • By Staff
Google Oneindia Malayalam News

തിരുവനന്തപുരം: രണ്ട് മന്ത്രിമാരുള്‍പ്പെടെ അഞ്ച് ഐ ഗ്രൂപ്പ് എം എല്‍ എമാരെ കോണ്‍ഗ്രസില്‍ നിന്ന് പുറത്താക്കുന്നതായി അറിയിക്കുന്ന ഹൈക്കമാന്റിന്റെ ഫാക്സ് സന്ദേശം തിരുവനന്തപുരത്തെ കെ പി സി സി ഓഫീസില്‍ എത്തി.

മന്ത്രിമാരായ കടവൂര്‍ ശിവദാസന്‍, പി. ശങ്കരന്‍, എം എല്‍ എമാരായ ഇ. എം. അഗസ്തി, പി. പി. ജോര്‍ജ്, ശോഭനാ ജോര്‍ജ് എന്നിവരെ പുറത്താക്കാനാണ് തീരുമാനം. എം എല്‍ എമാരെ പുറത്താക്കാനുള്ള തീരുമാനം അറിയിക്കുന്ന സന്ദേശം കെപിസിസി ഓഫീസില്‍ നിന്നും മുഖ്യമന്ത്രി എ. കെ. ആന്റണിക്ക് കൈമാറി.

ധനവിനിയോഗ ബില്ലിനെതിരെ വോട്ട് ചെയ്യാനുള്ള ഐ ഗ്രൂപ്പ് തീരുമാനത്തെ തുടര്‍ന്നാണ് അഞ്ച് എം എല്‍ എമാരെ പുറത്താക്കാന്‍ തീരുമാനിച്ചത്. ഐ ഗ്രൂപ്പ് മന്ത്രിമാരായ കടവൂര്‍ ശിവദാസന്‍, പി. ശങ്കരന്‍ എന്നിവരോട് രാജി വക്കാന്‍ മുഖ്യമന്ത്രി എ.കെ. ആന്റണി ആവശ്യപ്പെട്ടതോടെയാണ് ഹൈക്കമാന്റ് നിലപാട് ശക്തമാക്കിയത്. അഞ്ച് പേരെ പുറത്താക്കിയാല്‍ ഐ ഗ്രൂപ്പ് എം എല്‍ എമാരുടെ അംഗസംഖ്യ 18 ആയി കുറയും. ഇതോടെ ധനവിനിയോഗ ബില്ലിനെതിരെ വോട്ട് ചെയ്താല്‍ അത് കൂറുമാറ്റ നിയമത്തിന്റെ പരിധിയില്‍വരുമെന്നതു കൊണ്ടാണ് പുറത്താക്കല്‍ തീരുമാനമെടുത്തത്.

അതേ സമയം ഐ ഗ്രൂപ്പ് സര്‍ക്കാരിനെതിരായ നിലപാടില്‍ നിന്ന് പിന്നോക്കം പോയതോടെ ഐ ഗ്രൂപ്പ് എംഎല്‍എമാര്‍ക്കെതിരായ ഹൈക്കമാന്റ് നടപടിക്ക് പ്രസക്തിയില്ലെന്നാണ് എ ഗ്രൂപ്പിന്റെ നിലപാട്.

കഴിഞ്ഞ ദിവസം ദില്ലിയില്‍ കെ പി സി സി പ്രസിഡന്റ് കെ. മുരളീധരന്‍ എ ഐ സി സി ജനറല്‍ സെക്രട്ടറി അഹമ്മദ് പട്ടേലുമായും ചര്‍ച്ച നടത്തിയിരുന്നു. മിക്കവാറും തിങ്കളാഴ്ച വൈകുന്നേരം മുരളീധരന്‍ സോണിയാഗാന്ധിയെ കാണും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X