കരുനാഗപ്പള്ളിയില് വാഹനപണിമുടക്ക്
കരുനാഗപ്പള്ളി: കരുനാഗപ്പള്ളി ടൗണില് ഓട്ടോറിക്ഷാ ഡ്രൈവര്മാര്ക്ക് നേരെ പൊലീസ് നടത്തിയ ലാത്തിച്ചാര്ജ്ജില് പ്രതിഷേധിച്ച് ടാക്സി, ഓട്ടോ ഡ്രൈവര്മാര് പണിമുടക്കി. ഓട്ടോകളും ടാക്സികളും ടെമ്പോകളും ട്രക്കറുകളും ഓടുന്നില്ല.
ജൂലൈ 23 ബുധനാഴ്ച രാവിലെയാണ് ലാത്തിച്ചാര്ജ്ജ് നടന്നത്. ഒരു പൊലീസ് ജീപ്പ് ഓട്ടോറിക്ഷയില് ഇടിച്ചതില് നിന്നാണ് സംഭവങ്ങളുടെ തുടക്കം. അപകടത്തില് ഓട്ടോ ഡ്രൈവര് വടക്കന് മൈനാഗപ്പള്ളി സ്വദേശി അനില്കുമാറിന്(31) പരിക്കേറ്റിരുന്നു. എന്നാല് പൊലീസുകാര് ഓട്ടോ ഡ്രൈവറെ ആശുപത്രിയില് കൊണ്ടുപോയില്ലെന്ന് മാത്രമല്ല, കുറെ അസഭ്യം പറയുകയും ചെയ്തു. വഴക്കിനൊടുവില് എസ്ഐ ഓട്ടോ ഡ്രൈവര് അനില് കുമാറിനെ ജീപ്പിലേക്ക് തള്ളിയിടുകയും അനില്കുമാറിന്റെ നെറ്റിപൊട്ടുകയും ചെയ്തു.
ഇതേ തുടര്ന്ന് കുറെ ഓട്ടോ ഡ്രൈവര്മാര് ഇക്കാര്യം അന്വേഷിയ്ക്കാന് സ്റേഷനിലെത്തി. എസ്ഐയും ഡ്രൈവര്മാരും തമ്മില് വാക്കുതര്ക്കമുണ്ടായി. ഇതിനിടെ ചിലര് സ്റേഷനെതിരെ കല്ലെറിയുകയും ചെയ്തു.
ഇതിന് പ്രതികാരമെന്നോണം രാവിലെ പൊലീസുകാര് ഓട്ടോ ഡ്രൈവര്മാര്ക്ക് നേരെ ലാത്തിച്ചാര്ജ്ജ് നടത്തിയത്. രണ്ടു മണിക്കൂര് നേരം പൊലീസ് അഴിഞ്ഞാടുകയായിരുന്നു പരാതിയുണ്ട്. ഇതേ തുടര്ന്നാണ് ഓട്ടോ, ടാക്സി പണിമുടക്ക് പ്രഖ്യാപിച്ചത്.