തീരദേശ സേന വൈകാതെ രൂപീകരിയ്ക്കും

കാസര്‍കോട്: സംസ്ഥാന പൊലീസ് വൈകാതെ തീരദേശ സംരക്ഷണ സേന രൂപീകരിയ്ക്കുമെന്ന് ഡി ജി പി ഹോര്‍മിസ് തരകന്‍ പറഞ്ഞു.

തീരദേശത്തെ ക്രമസമാധാന നില സംരക്ഷിയ്ക്കാനായാണ് ഇത്. ജൂലൈ 29 ന് കേന്ദ്ര സര്‍ക്കാര്‍ അധികൃതരുമായി നടക്കുന്ന ചര്‍ച്ചയില്‍ ഈ സേന രൂപീകരിയ്ക്കാനുള്ള തീരുമാനമെടുക്കും. കാസര്‍കോട്ടെ എസ് പി ഓഫീസിന്റെ പുതിയ കെട്ടിടത്തിനുള്ള ശിലാ സ്ഥാപനം നടത്തുകയായിരുന്നു ഡി ജി പി.

കേന്ദ്ര സര്‍ക്കാര്‍ നല്‍കുന്ന 315 കോടി രൂപ ഉപയോഗിച്ചാണ് ഈ സേന രൂപീകരിയ്ക്കുന്നത്. ട്രോളിംഗ് നിരോധനക്കാലത്തും മറ്റു തീരദേശത്ത് ഉണ്ടാവുന്ന പ്രശ്നങ്ങള്‍ ഒഴിവാക്കുകയാണ് സേനയുടെ പ്രധാന ഉദ്ദേശം.