തെഹല്‍ക്ക ലേഖകര്‍ക്കെതിരെ കുറ്റപത്രം

ദില്ലി: ആയുധ കുംഭകോണ കേസില്‍ തെഹല്‍ക ഡോട്ട് കോമിലെ രണ്ട് ലേഖകര്‍ക്കെതിരെ സി ബി ഐ കുറ്റപത്രം തയ്യാറാക്കി. ഇതിന് പുറമേ ആഭ്യന്തര വകുപ്പിലെ രണ്ട് ഉദ്വോഗസ്ഥര്‍ക്കെതിരേയും കുറ്റപത്രമുണ്ട്. ഔദ്വോഗിക രഹസ്യ നിയമമനുസരിച്ചാണ് കേസ്.

തെഹല്‍ക്കയിലെ അനിരുദ്ധ് ബഹല്‍, മാത്യൂ സാമുവല്‍ എന്നിവര്‍ക്കെതിരെയും ആഭ്യന്തര വകുപ്പിലെ ഡയറക്ടര്‍ തോമസ് മാത്യു , സെക്ഷന്‍ ഓഫീസര്‍ നീരജ് കുമാര്‍ എന്നിവര്‍ക്കെതിരെ ചീഫ് മെട്രോപൊളിറ്റന്‍ മജിസ്ട്രേട്ട് കോടതിയിലാണ് സി ബി ഐ കുറ്റപത്രം സമര്‍പ്പിച്ചത്. ഓഗസ്റ് 25 കേസ് വാദം കേള്‍ക്കും.

തെഹല്‍കയില്‍ 2000 ഒക്ടോബര്‍ ഒമ്പതിന് പ്രസിദ്ധീകരിച്ച ചില രഹസ്യ രേഖകള്‍ നേടാനായി പ്രതികള്‍ ഗൂഢാലോചന നടത്തി എന്നാണ് കേസ്.