കോളജ് രാഷ്ട്രീയ നിരോധനം: സര്ക്കാരിന് എതിര്പ്പ്
കൊച്ചി: കോളജുകളിലെ വിദ്യാര്ഥികളുടെ രാഷ്ട്രീയ പ്രവര്ത്തനം നിരോധിക്കുന്നതിനോട് യോജിപ്പില്ലെന്ന് സംസ്ഥാന സര്ക്കാര് ഹൈക്കോടതിയെ അറിയിച്ചു.
കാമ്പസ് രാഷ്ട്രീയം നിരോധിക്കാന് മാനേജ്മെന്റുകള്ക്ക് അധികാരമുണ്ടെന്ന ഹൈക്കോടതി വിധിക്കെതിരെ നല്കിയ റിവ്യു ഹര്ജിയിന്മേല് സമര്പ്പിച്ച എതിര് സത്യവാങ്മൂലത്തിലാണ് സര്ക്കാര് നിലപാട് വ്യക്തമാക്കിയത്. ഉന്നത വിദ്യാഭ്യാസ പ്രിന്സിപ്പല് സെക്രട്ടറി കെ. മോഹന്ദാസാണ് എതിര്സത്യവാങ്മൂലം സമര്പ്പിച്ചത്.
അതേ സമയം സര്ക്കാരിന്റെ വിശദീകരണത്തില് അതൃപ്തി പ്രകടിപ്പിച്ച ജസ്റിസുമാരായ കെ. എസ്. രാധാകൃഷ്ണന്, കെ. പദ്മനാഭന് നായര് എന്നിവരുള്പ്പെട്ട ഡിവിഷന് ബെഞ്ച് വിശദമായ സത്യവാങ്മൂലം സമര്പ്പിക്കാന് സര്ക്കാരിനോട് ആവശ്യപ്പെട്ടു.
കോളജ് കാമ്പസുകളിലെ അച്ചടക്കം നിലനിര്ത്തുന്നതിന് കാമ്പസ് തിരഞ്ഞെടുപ്പിലെ രാഷ്ട്രീയാതിപ്രസരം നിയന്ത്രിക്കുമെന്ന് സത്യവാങ്മൂലത്തില് സര്ക്കാര് അറിയിച്ചു. വിദ്യാഭ്യാസ നിലവാരം മെച്ചപ്പെടുത്തുന്നതിനായി ബിരുദ, ബിരുദാനന്തര ബിരുദ കോഴ്സുകള്ക്ക് സെമസ്റര് സംവിധാനം ഏര്പ്പെടുത്തും.
കോളജുകളിലെ ഇപ്പോഴത്തെ തിരഞ്ഞെടുപ്പ് സമ്പ്രദായത്തില് മാറ്റം വരുത്തി പാര്ലമെന്ററി രൂപത്തിലേക്ക് കൊണ്ടുവരണമെന്ന് സര്ക്കാര് അഭിപ്രായപ്പെട്ടു.
കെ എസ് യു, എസ് എഫ് ഐ തുടങ്ങിയ വിദ്യാര്ഥി സംഘടനകളാണ് കാമ്പസ് രാഷ്ട്രീയം നിരോധിക്കുന്ന വിധിക്കെതിരെ റിവ്യു ഹര്ജികള് നല്കിയത്.