നേതൃമാറ്റം ആവശ്യപ്പെട്ടിട്ടില്ലെന്ന് കരുണാകരന്
തിരുവനന്തപുരം: കോണ്ഗ്രസ് ഹൈകമാണ്ടിനോട് നേതൃമാറ്റമോ മന്ത്രിസഭാ പുനഃസംഘടനയോ ആവശ്യപ്പെട്ടിട്ടില്ലെന്ന് കെ. കരുണാകരന് വ്യക്തമാക്കി.
ഹൈകമാണ്ടിനോട് ആവശ്യപ്പെട്ടിട്ട് വലിയ കാര്യമുണ്ടെന്നും തോന്നുന്നില്ല. കരുണാകരന് പറഞ്ഞു. ജൂലൈ 31 വ്യാഴാഴ്ച വാര്ത്താ ലേഖകരുമായി സംസാരിയ്ക്കുകയായിരുന്നു കരുണാകരന്.
ഹൈകമാണ്ടിനോട് ആവശ്യപ്പെട്ടിട്ടില്ലെങ്കിലും നേതൃമാറ്റം എന്ന ആവശ്യത്തില് ഐ വിഭാഗം ഉറച്ച് നില്ക്കുകയാണ്. നേതൃമാറ്റം ആവശ്യപ്പെട്ടുവെന്ന് പ്രചരിപ്പിയ്ക്കുന്നത് മുഖ്യമന്ത്രിയുടെ ഗസറ്റ് എന്നു പറയുന്ന പത്രമാണ്. ഹൈകമാണ്ട് ഒന്നും ഇങ്ങോട്ട് ചോദിച്ചിട്ടില്ല. അങ്ങോട്ട് പറഞ്ഞിട്ടുമില്ല.
ഐ വിഭാഗത്തില് നിന്ന് ഒരു എം എല് എ യും ഇതുവരെ പോയിട്ടില്ല. ഇപ്പോഴും 23 എം എല് എ മാരുണ്ട്. ഇതുവരെ നേടിയതൊക്കെ ഉപേക്ഷിയ്ക്കാന് തയ്യാറായിട്ടാണ് ഇതിനൊക്കെ ഇറങ്ങി തിരിച്ചിരിയ്ക്കുന്നത്. കരുണാകരന് പറഞ്ഞു.