പമ്പാതീരത്ത് അനിയന്ത്രിത മണല്വാരല്
പത്തനംതിട്ട: നിരോധനം മറികടന്ന് അനിയന്ത്രിതമായി മണല് വാരുന്നത് പമ്പാനദിക്ക് ഭീഷണിയാവുന്നു.
നദീതീരത്ത് ജൂലൈ-സപ്തംബര് കാലയളവില് മണല് വാരുന്നത് നിരോധിച്ചിട്ടുണ്ടെങ്കിലും മണല്ലോബി നമായ നിയമലംഘനം നടത്തുന്നത് തുടരുകയാണ്. ദിവസേന മണലുമായി നദിക്കരയില് നിന്ന് ലോറികള് മടങ്ങുന്നത് നിത്യകാഴ്ചയാണ് ഇപ്പോള്. പത്തനംതിട്ട ജില്ലയിലെ റാന്നിക്കും ആറാട്ടുപുഴക്കുമിടയിലാണ് പ്രധാനമായും മണലൂറ്റല് നടക്കുന്നത്.
നിരോധനം മറികടന്ന് മണല് ലോബി മണലൂറ്റുന്നത് തുടരവെ അധികൃതര് ഈ നിയമലംഘനത്തോട് കണ്ണടയ്ക്കുകയാണ്. മണല് വാരല് നിയന്ത്രിക്കുന്നതിന് സര്ക്കാര് രൂപം നല്കിയിട്ടുള്ള ഫെറി കമ്മിറ്റി പുഴയെ കൊല്ലുന്ന ഈ പ്രവൃത്തിക്കെതിരെ ഒരു നടപടിയും സ്വീകരിക്കുന്നില്ല.
അനിയന്ത്രിതമായ മണല് വാരലിനെ കുറിച്ച് അധികൃതരെ ഇടയ്ക്കിടെ അറിയിച്ചിട്ടും യാതൊരു നടപടിയുമുണ്ടായിട്ടില്ലെന്ന് പമ്പ സംരക്ഷണ സമിതി ജനറല് സെക്രട്ടറി കെ. എന്. സുകുമാരന് നായര് പറഞ്ഞു.