കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആഭ്യന്തരവകുപ്പ് നിഷ്ക്രിയം: വിജയരാഘവന്‍

  • By Staff
Google Oneindia Malayalam News

മലപ്പുറം: പാക്ക് പൗരന്മാരുടെ പ്രശ്നം പരിഹരിയ്ക്കാന്‍ സംസ്ഥാന ആഭ്യന്തരവകുപ്പ് താല്പര്യം കാണിയ്ക്കുന്നില്ലെന്ന് എ. വിജയരാഘവന്‍ എംപി. കേരള പ്രവാസി സംഘം ഭാരവാഹികളോടൊപ്പം വാര്‍ത്താസമ്മേളനത്തില്‍ സംസാരിയ്ക്കുകയായിരുന്നു അദ്ദേഹം.

കേരള സര്‍ക്കാര്‍ ശിപാര്‍ശ ചെയ്താലേ പാക് പൗരന്മാര്‍ക്ക് ഇന്ത്യന്‍ പൗരത്വം ലഭിയ്ക്കൂ. എന്നാല്‍ ഇക്കാര്യത്തില്‍ സംസ്ഥാനസര്‍ക്കാരിന്റെ പ്രവര്‍ത്തനം നിരാശാജനകമാണ്. കേന്ദ്രആഭ്യന്തരമന്ത്രി വിളിച്ചുചേര്‍ത്ത മുഖ്യമന്ത്രിമാരുടെ യോഗത്തില്‍ ആന്റണി പാക് പൗരത്വപ്രശ്നം ഉന്നയിച്ചിരുന്നു. എങ്കിലും ഇപ്പോള്‍ വടകര സ്വദേശി ഇബ്രാഹിമിനെ അറസ്റ് ചെയ്തതിലൂടെ പൊലീസ് മുഖ്യമന്ത്രിയേയും സംസ്ഥാനസര്‍ക്കാരിനെയും അവഹേളിയ്ക്കുകയാണ് ചെയ്തത്. - വിജയരാഘവന്‍ പറഞ്ഞു.

പാക് പൗരന്മാര്‍ ഒരു വോട്ടുബാങ്കല്ലാത്തതിനാലാണ് അവര്‍ക്ക് വേണ്ടി ശബ്ദിയ്ക്കാന്‍ ആര്‍ക്കും താല്പര്യമില്ലാത്തത്. നിയമസഭാ സമ്മേളനം തീരുന്നതിന് മുമ്പായി പ്രതിപക്ഷനേതാവ് നിയമസഭയില്‍ പാക് പൗരത്വപ്രശ്നം സഭയില്‍ ഉന്നയിക്കുമെന്നും പ്രവാസിസംഘം ഭാരവാഹികള്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X