വിദ്യാര്ഥിസമരം പിന്വലിച്ചു
തിങ്കള്: ഇടതുവിദ്യാര്ഥി സംഘടനകള് 12 ദിവസമായി നടത്തിവന്ന സമരം പിന്വലിച്ചു. വിദ്യാര്ഥി സംഘടനാ നേതാക്കളുമായി സര്ക്കാര് നടത്തിയ ചര്ച്ചയെ തുടര്ന്നാണ് സമരം പിന്വലിക്കാന് തീരുമാനമായത്. അധ്യാപകര് നടത്തിവന്ന സമരവും പിന്വലിക്കാന് തീരുമാനമായിട്ടുണ്ട്.
മന്ത്രിമാരായ പി. കെ. കുഞ്ഞാലിക്കുട്ടിയും കെ. ശങ്കരനാരായണനുമാണ് ആഗസ്ത് 10 ഞായറാഴ്ച വിദ്യാര്ഥി നേതാക്കളുമായി ചര്ച്ച നടത്തിയത്. ചര്ച്ച മൂന്ന് മണിക്കൂറോളം നീണ്ടുനിന്നു.
ചര്ച്ചക്ക് ശേഷം സെക്രട്ടറിയേറ്റ് പടിക്കല് നിരാഹാരസമരം നടത്തിവന്ന വിദ്യാര്ഥി സംഘടനാ നേതാക്കള് ഉപവാസം അവസാനിപ്പിച്ചു. ചര്ച്ചയില് തങ്ങളുടെ ആവശ്യങ്ങള് അംഗീകരിച്ചതായി വിദ്യാര്ഥി നേതാക്കള് വാര്ത്താ സമ്മേളനത്തില് പറഞ്ഞു.
വിദ്യാര്ഥികള് ഉന്നയിച്ച പ്രധാന കാര്യങ്ങളില് ധാരണയായിട്ടുണ്ടെന്ന് ചര്ച്ചക്ക് ശേഷം മന്ത്രിമാര് പറഞ്ഞു. സ്വാശ്രയ കോളജുകളിലെ ഫീസും പ്രവേശനവും സംബന്ധിച്ച് സുപ്രിം കോടതി വിധി വന്ന ശേഷം സര്ക്കാര് നയം നടപ്പിലാക്കും. വിധി വന്നശേഷം ഫീസ് സംബന്ധിച്ച ഫോര്മുലക്ക് രൂപം നല്കും. ഇക്കാര്യത്തില് വേണ്ടിവന്നാല് നിയമം കൊണ്ടുവരും.
എസ് എസ് എല് സി പരീക്ഷയുടെ വര്ധിപ്പിച്ച ഫീസ് 50 ശമതാനം കുറയ്ക്കും. ബിരുദ, ബിരുദാനന്തര കോഴ്സുകള്ക്ക് വര്ധിപ്പിച്ച ഫീസ് 20 ശതമാനമെന്നത് 10 ശതമാനമാക്കും.