ഡച്ച് സര്ക്കാര് സിഡിഎസിന് ഫണ്ടിംഗ് നിര്ത്തി
തിരുവനന്തപുരം: പ്രാദേശികതല വികസനം സംബന്ധിച്ച സി ഡി എസിന്റെ ഗവേഷണ പരിപാടിക്ക് തുടര്ന്ന് ഫണ്ട് നല്കില്ലെന്ന് ഡച്ച് സര്ക്കാര് സി ഡി എസ് അധികൃതരെ അറിയിച്ചു.
2003 ഡിസംബറോടെ ഗവേഷണ പരിപാടിയുടെ ആദ്യഘട്ടം അവസാനിക്കുകയാണ്. ആദ്യഘട്ടം പൂര്ത്തിയായിക്കഴിഞ്ഞാല് തുടര്ന്ന് ഫണ്ട് നല്കില്ലെന്നാണ് ഡച്ച് സര്ക്കാര് അറിയിച്ചത്.
യു എന് സുരക്ഷാ കൗണ്സിലില് അംഗങ്ങളല്ലാത്ത രാജ്യങ്ങളില് നിന്നും ഫണ്ട് സ്വീകരിക്കേണ്ടതില്ലെന്ന കേന്ദ്ര സര്ക്കാര് തീരുമാനത്തെ തുടര്ന്നാണ് സി ഡി എസിന് ഫണ്ട് നല്കുന്നത് നിര്ത്തിവയ്ക്കാന് നെതര്ലാന്റ്സ് തീരുമാനിച്ചത്.
കേന്ദ്രസര്ക്കാര് ഇതുസംബന്ധിച്ച തീരുമാനമെടുക്കുന്നതിന് മുമ്പ് പ്രാദേശികതല വികസനം സംബന്ധിച്ച സി ഡി എസിന്റെ ഗവേഷണ പരിപാടിയുടെ രണ്ടാം ഘട്ടത്തിന് ഫണ്ട് നല്കുന്നത് ഡച്ച് സര്ക്കാര് പരിഗണിച്ചിരുന്നു.
അതിനിടെ ഗവേഷണ പരിപാടിക്ക് വിദേശ ഫണ്ട് ലഭിക്കുന്നത് സംബന്ധിച്ച് ഉയര്ന്നുവന്ന വിവാദത്തിന്റെ വെളിച്ചത്തില് ഗവേഷണ പരിപാടിയെ കുറിച്ചുള്ള വിശദ റിപ്പോര്ട്ട് ചര്ച്ച ചെയ്യുന്നതിന് സി ഡി എസ് ഭരണസമിതി അടുത്തയാഴ്ച യോഗം ചേരും.