• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കൊക്കകോള: സര്‍ക്കാരിനെതിരെ ജനതാദള്‍

  • By Staff

തിരുവനന്തപുരം: കൊക്കകോള ഫാക്ടറിയുടെ കാര്യത്തില്‍ സര്‍ക്കാര്‍ പുലര്‍ത്തുന്ന അനാസ്ഥ ശരിയല്ലെന്ന് ജനതാദള്‍(എസ്) സംസ്ഥാനപ്രസിഡന്റ് എം.പി. വീരേന്ദ്രകുമാര്‍. പ്ലാന്റില്‍ നിന്നും പുറന്തള്ളുന്ന ഖരമാലിന്യങ്ങളില്‍ വിഷാംശമുണ്ടെന്ന് പരിശോധനയില്‍ കണ്ടെത്തിക്കഴിഞ്ഞതിനാല്‍ പ്ലാന്റ് പൂട്ടാനുള്ള നടപടികള്‍ സര്‍ക്കാര്‍ സ്വീകരിക്കണമെന്നും വീരേന്ദ്രകുമാര്‍ പറഞ്ഞു.

ആഗസ്ത് 13 ബുധനാഴ്ച മുഖ്യമന്ത്രിയ്ക്കയച്ച കത്തിലാണ് വീരേന്ദ്രകുമാര്‍ ഇക്കാര്യം ചൂണ്ടിക്കാട്ടിയത്. പ്ലാച്ചിമടയിലെ കൊക്കകോള പ്ലാന്റ് പൂട്ടാനും ഈ ഫാക്ടറിയിലെ സാധനങ്ങള്‍ പിടിച്ചെടുക്കാനും ഫാക്ടറിയില്‍ നിന്നുള്ള മാലിന്യം വളമായി ഉപയോഗിച്ച കര്‍ഷകര്‍ക്ക് നഷ്ടപരിഹാരം നല്കാനും വീരേന്ദ്രകുമാര്‍ ആവശ്യപ്പെട്ടിട്ടുണ്ട്.

പാവപ്പെട്ട ആദിവാസികള്‍ ഭൂഗര്‍ഭജലം കുറഞ്ഞുപോയപ്പോഴാണ് ഈ പ്ലാന്റിനെതിരെ പരാതി ഉയര്‍ത്തിയത്. എന്നാല്‍ ഈ സമരത്തിനെത്തിയവരെ തീവ്രവാദികളായി കണ്ട് നേരിടുകയായിരുന്നു സര്‍ക്കാര്‍. പെരുമാട്ടി പഞ്ചായത്ത് ഈ ഫാക്ടറിയ്ക്ക് ലൈസന്‍സ് നിഷേധിച്ചെങ്കിലും സര്‍ക്കാര്‍ പഞ്ചായത്തിന്റെ ഉത്തരവിനെ അട്ടിമറിയ്ക്കുകയായിരുന്നു. - വീരേന്ദ്രകുമാര്‍ പറഞ്ഞു.

കൊക്കകോള പ്ലാന്റിനെതിരായ സമരം രാഷ്ട്രീയപ്രേരിതമാണെന്ന ധനമന്ത്രി കെ. ശങ്കരനാരായണന്റെയും തദ്ദേശസ്വയംഭരണ മന്ത്രി ചെര്‍ക്കളം അബ്ദുള്ളയുടെയും പ്രസ്താവനകള്‍ ശരിയല്ലെന്നും വീരേന്ദ്രകുമാര്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more