മാറാട്: പുനരധിവാസം തടഞ്ഞാല്‍ പ്രത്യാഘാതം ഉണ്ടായേക്കും- എന്‍.ഡി.എഫ്

കോഴിക്കോട്: മാറാട്ടുള്ള വീടുകളലേയ്ക്ക് ആഗസ്ത്15 വെള്ളിയാഴ്ച മടങ്ങിയെത്തുന്ന മുസ്ലിംങ്ങളെ തടഞ്ഞാല്‍ തിരിച്ചടി ഉണ്ടായേയ്ക്കുമെന്ന് എന്‍ഡിഎഫ്. ചെയര്‍മാന്‍ എ. സഹീദ് പറയുന്നു.

മാറാട്ടെ മുസ്ലിംങ്ങളെ ആര്‍എസ്എസിന്റെ നേതൃത്വത്തില്‍ തടയുകയാണെങ്കിലാണെങ്കിലാണ് ഇതുണ്ടാവുമെന്ന് എന്‍ഡിഎഫ് പറയുന്നത്. എന്നാല്‍ പുനരധിവാസം സര്‍ക്കാര്‍ തന്നെ തടയുകയാണെങ്കില്‍ പ്രശ്നങ്ങള്‍ ഉണ്ടാവില്ലെന്നാണ് എന്‍ഡിഎഫിന്റെ നിലപാട്.

ആഗസ്ത് 15 വെള്ളിയാഴ്ച കപ്പക്കലിലെ അഭയാര്‍ഥികള്‍ മാറാട്ടേക്ക് മടങ്ങാനുള്ള പരിപാടി ആസൂത്രണം ചെയ്തത് എന്‍ഡിഎഫ് അല്ല. എന്നാല്‍ സ്വന്തം വീടുകളിലേക്ക് മടങ്ങാന്‍ അവരെ പ്രേരിപ്പിച്ചിരുന്നു. അത് അവരുടെ അവകാശമാണ് എന്നനിലപാടാണ് എന്‍ഡിഎഫിനുള്ളത്- ചെയര്‍മാന്‍ വ്യക്തമാക്കി.

മഹല്ല് കമ്മറ്റിയുടെ കീഴിലാണ് കപ്പക്കലിലെ അഭയാര്‍ഥി ക്യാമ്പ് പ്രവര്‍ത്തിയ്ക്കുന്നത്. ക്യാമ്പില്‍ താമസിയ്ക്കുന്നവര്‍ക്ക് സൗകര്യങ്ങള്‍ ചെയ്തുകൊടുക്കുന്നതിനായാണ് എന്‍ഡിഎഫ് ക്യാമ്പുമായി സഹകരിച്ചത്.

മാറാട്ടെ പുനരധിവാസപ്രശ്നം ചര്‍ച്ച ചെയ്യാന്‍ എന്‍ഡിഎഫ് നേരത്തെ ജില്ലാ ഭരണകൂടവുമായി ബന്ധപ്പെട്ടിരുന്നു. എന്നാല്‍ വെള്ളിയാഴ്ച നടക്കുന്ന പുനരധിവാസ തീരുമാനവുമായി ബന്ധപ്പെട്ട് ജില്ലാ ഭരണകൂടം എന്‍ഡിഎഫുമായി യാതൊ രു ചര്‍ച്ചയും നടത്തിയിട്ടില്ലെന്ന് സഹിദ് പറഞ്ഞു.