കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വിജയനെതിരെ കേസ് നല്കും: തോമസ് ഐസക്

  • By Staff
Google Oneindia Malayalam News

തൃശൂര്‍: ജനകീയാസൂത്രണത്തെ വിമര്‍ശിച്ച് പാഠം മാസികയില്‍ ലേഖനമെഴുതിയതിന്റെ പേരില്‍ എം.എന്‍. വിജയനും എസ്. സുധീഷിനും എതിരെ ക്രിമിനല്‍ കേസ് നല്കുമെന്ന് തോമസ് ഐസക് എംഎല്‍എ.

തന്നെ അപകീര്‍ത്തിപ്പെടുത്തിയതിന്റെ പേരില്‍ എം.എന്‍. വിജയന്‍, എസ്. സുധീഷ് എന്നിവര്‍ക്ക് പുറമെ മാതൃഭൂമി, മനോരമ എന്നീ പത്രങ്ങള്‍ക്കെതിരെയും കേസ് നല്കുമെന്ന് തോമസ് ഐസക് എംഎല്‍എ പറഞ്ഞു. പക്ഷെ വിജയന്‍, സുധീഷ് എന്നിവര്‍ക്കെതിരെ പ്രത്യേകമായി ക്രിമിനല്‍ കേസും നല്കും. സിവില്‍ കേസ് കൈകാര്യംചെയ്യുന്നതില്‍ കോടതിയില്‍ കാലതാമസം നേരിടുമെന്നതിനാലാണ് ക്രിമിനല്‍ കേസ് നല്കുന്നത്.

ഇതിനുള്ള പരാതികള്‍ തയ്യാറാക്കിക്കഴിഞ്ഞു. ആഗസ്ത് 18 തിങ്കളാഴ്ച ഇവര്‍ക്കെതിരെ നോട്ടീസയയ്ക്കും. കേസ് നല്കാന്‍ സിപിഎമ്മിന്റെ സമ്മതം ലഭിച്ചിട്ടുണ്ടോ എന്ന ചോദ്യത്തിന് ഇല്ല എന്നായിരുന്നു തോമസ് ഐസക് മറുപടി നല്കിയത്. എന്നാല്‍ ജനകീയാസൂത്രണത്തെ വിമര്‍ശിച്ച എം.എന്‍. വിജയന്‍ ഇപ്പോഴും ദേശാഭിമാനി വാരികയുടെ പത്രാധിപരായിരിക്കുന്നതെങ്ങിനെ എന്ന ചോദ്യത്തിന് തന്റെ നിലപാടുകള്‍ വിജയന്‍ തിരുത്തുമെന്നാണ് പാര്‍ട്ടികരുതുന്നതെന്നും തോമസ് ഐസക് പറഞ്ഞു.

വിജയന്‍ സിപിഎം വിരുദ്ധശക്തികളുടെ തടവുകാരനാണെന്നും വിജയന്‍ ഉയര്‍ത്തുന്ന വിമര്‍ശനങ്ങള്‍ പാര്‍ട്ടി വിരുദ്ധ ശക്തികളെ സഹായിക്കാനേ ഉതകുന്നുള്ളൂ എന്നും തോമസ് ഐസക് പറഞ്ഞു. വിജയനെപ്പോലെ മുതിര്‍ന്ന ഒരു ചിന്തകന്‍ പാഠം പോലെ പാര്‍ട്ടിയെ വിമര്‍ശിക്കുന്നതിന് തുനിഞ്ഞിറങ്ങിയ മാസികയില്‍ നിന്ന് രാജിവയ്ക്കുന്നതാണ് നല്ലതെന്നും തോമസ് ഐസക് പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X