മാറാട് പുനരധിവാസം ഈ മാസം: മുനീര്‍

കോയമ്പത്തൂര്‍: ആഗസ്ത് അവസാനത്തോടെ മാറാട് പുനരധിവാസം പൂര്‍ത്തിയാകുമെന്ന് ഇതിനായുള്ള മന്ത്രിസഭാ ഉപസമിതി കണ്‍വീനര്‍ കൂടിയായ മന്ത്രി എം.കെ. മുനീര്‍. സമാധാനപരമായ പുനരധിവാസത്തിനായി എല്ലാ വിഭാഗം ആളുകളുമായി ചര്‍ച്ചകള്‍ പൂര്‍ത്തിയാക്കിക്കഴിഞ്ഞുവെന്നും മുനീര്‍ പറഞ്ഞു.

32 കുടുംബങ്ങളെ ഇതിനകെ പുനരധിവസിപ്പിച്ചുകഴിഞ്ഞു. ചില കുടുംബങ്ങളോട് എതിര്‍പ്പ് ഇപ്പോഴും നിലനില്ക്കുന്നുണ്ട്. അവരെയാണ് തിരിച്ചയച്ചതെന്നും മുനീര്‍ പറഞ്ഞു.

മന്ത്രിസഭയിലെ ലീഗ് മന്ത്രിയ്ക്ക് മാറാട് സംഭവവുമായി ബന്ധമൊന്നുമില്ല. പക്ഷെ ലീഗടക്കം എല്ലാ പാര്‍ട്ടികളിലും കയറിപ്പറ്റിയ എന്‍ഡിഎഫ് പ്രവര്‍ത്തകര്‍ക്ക് ഇതില്‍ പങ്കുണ്ട്. ഗോവധനിരോധനത്തെ പാര്‍ട്ടി ശക്തമായി എതിര്‍ക്കും.മനുഷ്യന്‍ എന്ത് ഭക്ഷിയ്ക്കണം എന്ത് ഭക്ഷിയ്ക്കേണ്ട എന്ന് തീരുമാനിയ്ക്കുന്നത് അവനവനാണ്. അല്ലാതെ സര്‍ക്കാരല്ല. - മുനീര്‍ പറഞ്ഞു.