കനവിന് മസ്കറ്റ് സുഹൃത്തുക്കളുടെ സംഭാവന
മസ്കറ്റ്: ബദല് വിദ്യാഭ്യാസ സ്ഥാപനമായ വയനാട്ടിലെ കനവിന് മസ്കറ്റിലെ ഏതാനും സുഹൃത്തുക്കള് സംഭാവന നല്കും.
ഹോട്ടല് മെര്ക്കുറി അല് ഫലാജില് ആഗസ്ത് 22 വെള്ളിയാഴ്ച നടക്കുന്ന ചടങ്ങില് കനവ് നടത്തുന്ന എഴുത്തുകാരനും സാമൂഹ്യപ്രവര്ത്തകനുമായ എം. എ. ബേബി പങ്കെടുക്കും.
മസ്കറ്റിലെ സാമൂഹ്യപ്രവര്ത്തകനായിരുന്ന എ. എം. ഗോപികുമാറി (ഗോപി)ന്റെ സ്മരണാര്ഥമാണ് സുഹൃത്തുക്കള് കനവിന് സംഭാവന നല്കുന്നത്.
കഴിഞ്ഞ മൂന്ന് വര്ഷമായി സന്നദ്ധ പ്രവര്ത്തനങ്ങള്ക്ക് തങ്ങള് സംഭാവന നല്കിവരുന്നതായി ഗോപിയുടെ സുഹൃത്തുക്കള് അറിയിച്ചു.
ആദ്യത്തെ വര്ഷം കണ്ണൂര് ജില്ലയിലെ തോട്ടടയിലെ മാനസിക വൈകല്യമുള്ള കുട്ടികള്ക്കായുള്ള സ്ഥാപനത്തിന് ഫണ്ട് നല്കി. രണ്ടാമത്തെ വര്ഷം ലൈംഗിക തൊഴിലാളികളുടെ കുട്ടികളെ പുനരധിവസിപ്പിക്കുന്ന ഒരു സംഘടനക്ക് സംഭാവന നല്കി. ഈ വര്ഷം തങ്ങള് കനവിനെ തിരഞ്ഞെടുക്കുകയായിരുന്നുവെന്ന് ഗോപിയുടെ സുഹൃത്തുക്കള് പറഞ്ഞു.