സ്വാശ്രയ എഞ്ചി.കോളജ് ഫീസില് മാറ്റമില്ല
തിരുവനന്തപുരം: സ്വാശ്രയ എഞ്ചിനീയറിംഗ് കോളജുകളിലെ മെറിറ്റ് ക്വാട്ടയിലെ വാര്ഷിക ഫീസ് ഈ വര്ഷം മാറ്റില്ലെന്ന് യു ഡി എഫ് കണ്വീനര് ഉമ്മന്ചാണ്ടി പറഞ്ഞു.
ആഗസ്ത് 22 വെള്ളിയാഴ്ച യു ഡി എഫ് ഉന്നതാധികാര സമിതി യോഗത്തിന് ശേഷം വാര്ത്താ സമ്മേളനത്തിലാണ് ഉമ്മന്ചാണ്ടി ഇക്കാര്യം അറിയിച്ചത്.
സ്വാശ്രയ എഞ്ചിനീയറിംഗ് കോളജുകളിലെ ഫീസ് കുറയ്ക്കാനാവില്ലെന്ന് നേരത്തെ പ്രതിപക്ഷ നേതാക്കളുമായി നടത്തിയ ചര്ച്ചയില് വ്യക്തമാക്കിയിരുന്നതാണ്. 36,000 രൂപ ഫീസായി നിശ്ചയിച്ചിരുന്നതിന്റെ അടിസ്ഥാനത്തിലാണ് സ്വാശ്രയ എഞ്ചിനീയറിംഗ് കോളജുകളിലേക്ക് ഇതുവരെ കൗണ്സിലിംഗ് നടത്തിയത്. ഫീസ് കുറച്ചാല് പ്രവേശനം പൂര്ത്തിയായ സീറ്റുകളിലേക്ക് വീണ്ടും കൗണ്സിലിംഗ് നടത്തേണ്ടിവരും.
സ്വാശ്രയ മെഡിക്കല് കോളജിലെ ഫീസ് നിര്ണയിക്കുന്നതു സംബന്ധിച്ച് പ്രതിപക്ഷ കക്ഷികളുമായി ചര്ച്ച നടത്താന് യു ഡി എഫ് തീരുമാനിച്ചിട്ടുണ്ട്. പ്രതിപക്ഷത്തിന് സൗകര്യമാണെങ്കില് സപ്തംബര് 26ന് ചര്ച്ച നടത്തും. അന്നുതന്നെ മാനേജ്മെന്റ് പ്രതിനിധികളുമായും ചര്ച്ച നടത്തും.
സ്വാശ്രയ മെഡിക്കല് കോളജിലെ ഫീസ് സംബന്ധിച്ച് ഇരുകൂട്ടരുമായും ചര്ച്ച നടത്തിയ ശേഷം തീരുമാനമെടുക്കുമെന്ന് ഉമ്മന്ചാണ്ടി പറഞ്ഞു.