ടൂണ്സ് ചിത്രം കാര്ട്ടൂണ്ചിത്ര മേളയില്
തിരുവനന്തപുരം: പത്തുവയസുകാരനായ അരുണ് വി. സംവിധാനം ചെയ്ത അനിമേഷന് ചിത്രം മൂന്നാം അന്തര്ദേശീയ വിദ്യാര്ഥി കാര്ട്ടൂണ്ചിത്ര മേളയുടെ മത്സരവിഭാഗത്തിലേക്ക് തിരഞ്ഞെടുക്കപ്പെട്ടു.
തിരുവനന്തപുരം സെന്റ് ജോസഫ്സ് സ്കൂളിലെ അഞ്ചാം ക്ലാസ് വിദ്യാര്ഥിയായ അരുണ് ടൂണ്സ് വിദ്യാര്ഥികള്ക്കായി സംഘടിപ്പിച്ച കാര്ട്ടൂണ്ചിത്ര ശില്പശാലയിലാണ് പെന്ഗ്വിനുകള് മൃഗശാലയിലേക്ക് എന്ന ചിത്രം ഒരുക്കിയത്.
കാര്ട്ടൂണ് ചിത്രമേളയിലേക്ക് 1200 ചിത്രങ്ങളില് നിന്നും 65 ചിത്രങ്ങളാണ് പ്രദര്ശനത്തിനായി തിരഞ്ഞെടുക്കപ്പെട്ടതെന്ന് ടൂണ്സ് ചീഫ് എക്സിക്യൂട്ടീവ് ഓഫീസര് ബില് ഡെന്നിസ് പറഞ്ഞു. മേയില് യു എസിലെ കളമസൂ അന്തര്ദേശീയ കാര്ട്ടൂണ് ചിത്ര മേളയില് പെന്ഗ്വിനുകള് മൃഗശാലയിലേക്ക് ഹോണേഴ്സ് അവാര്ഡ് നേടിയിരുന്നു.
മൃഗശാലയിലേക്ക് കൊണ്ടുപോവുന്ന പെന്ഗ്വിനുകള് അവയെ കൊണ്ടുപോവുന്ന ട്രക്ക് അപകടത്തിലായതിനെ തുടര്ന്ന് നഗരത്തിലെത്തുന്നതും തുടര്ന്നുള്ള സംഭവങ്ങളുമാണ് മൂന്ന് മിനുട്ട് ദൈര്ഘ്യമുള്ള കാര്ട്ടൂണ് ചിത്രത്തിന്റെ പ്രമേയം.
ഇന്ത്യയിലെ വിവിധ ഭാഗങ്ങളിലെ കുട്ടികളില് നിന്നും കഥ ക്ഷണിച്ച് അവയില് നിന്നാണ് അരുണിന്റെ കാര്ട്ടൂണ് ചിത്രത്തിനുള്ള കഥ തിരഞ്ഞെടുത്തത്.