വിക്രമസിംഗെ ജ്യോത്സ്യനെ കണ്ടു
മലപ്പുറം: ശ്രീലങ്കന് പ്രധാനമമന്ത്രി റനില് വിക്രമസിംഗെ പ്രശസ്ത ജ്യോതിഷി ഉണ്ണിക്കൃഷ്ണ പണിക്കരെ കാണാനെത്തി.
പരപ്പനങ്ങാടിയിലെ ഉണ്ണിക്കൃഷ്ണ പണിക്കരുടെ വീട്ടിലെത്തിയ ശ്രീലങ്കന് പ്രധാനമന്ത്രിക്ക് വേണ്ടി ജ്യോതിഷി തംബൂല പ്രശ്നം വച്ചു. തുടര്ന്ന് തിരൂരിലെ ആലത്തിയൂര് ഹനുമാന് ക്ഷേത്രത്തിലെത്തി വിക്രമസിംഗെ പ്രാര്ഥന നടത്തി.
ആഗസ്ത് 21 വെള്ളിയാഴ്ച ഭാര്യയാെേടൊപ്പമാണ് വിക്രമസിംഗെ ഉണ്ണിക്കൃഷ്ണ പണിക്കരെ കാണാനെത്തിയത്. രാവിലെ നെടുമ്പാശേരി വിമാനത്താവളത്തില് ഇറങ്ങിയ വിക്രമസിംഗെ അവിടെ നിന്ന് നേരിട്ട് പരപ്പനങ്ങാടിയിലേക്ക് പോവുകയായിരുന്നു. പ്രശ്നം വയ്ക്കലും മറ്റ് ചടങ്ങുകളും ഒന്നര മണിക്കൂര് നീണ്ടുനിന്നു.
കഴിഞ്ഞ കുറച്ചു വര്ഷങ്ങളായി ശ്രീലങ്കന് സര്ക്കാരുമായി അടുത്ത ബന്ധം ഉണ്ണിക്കൃഷ്ണ പണിക്കര്ക്കുണ്ട്. അഞ്ച് മാസം മുമ്പ് കൊളംബോയിലെ വിക്രമസിംഗെയുടെ ഔദ്യോഗിക വസതിയില് വച്ച് നടത്തിയ അഷ്ടമംഗല്യ പ്രശ്നത്തിന്റെ അടിസ്ഥാനത്തിലാണ് അദ്ദേഹം ആലത്തിയൂര് ഹനുമാന് ക്ഷേത്രത്തില് സന്ദര്ശനം നടത്തിയതെന്ന് ഉണ്ണിക്കൃഷ്ണ പണിക്കര് പറഞ്ഞു. കഴിഞ്ഞ മാസം വിക്രമസിംഗെ ഗുരുവായൂര് ക്ഷേത്രം സന്ദര്ശിച്ചിരുന്നു.
കനത്ത സുരക്ഷാ സന്നാഹമാണ് വിക്രമസിംഗെയുടെ സന്ദര്ശനത്തിന്റെ പശ്ചാത്തലത്തില് ഏര്പ്പെടുത്തിയിരുന്നത്. വൈകീട്ട് 6.30ന് വിക്രമസിംഗെ കരിപ്പൂര് വിമാനത്താവളത്തില് നിന്ന് ചെന്നൈയിലേക്ക് തിരിച്ചു.