ഗുജറാത്തില്‍ കനത്ത സുരക്ഷാ സന്നാഹം

അഹമ്മദാബാദ്: മുംബൈയില്‍ നാല് സ്ഥലങ്ങളില്‍ സ്ഫോടനം ഉണ്ടായതിനെ തുടര്‍ന്ന് ഗുജറാത്തിലും കനത്ത സുരക്ഷാ സന്നാഹങ്ങള്‍ ഏര്‍പ്പെടുത്തി.

പ്രശ്നങ്ങള്‍ ഉണ്ടാവാന്‍ സാദ്ധ്യത യുള്ള സ്ഥലങ്ങളിലും പള്ളികളും അമ്പലങ്ങളും മറ്റും ഉള്ള സ്ഥലങ്ങളിലും സിനിമാ തീയറ്ററുകളിലും കനത്ത സുരക്ഷ ഏര്‍പ്പെടുത്താന്‍ മുഖ്യമന്ത്രി നരേന്ദ്ര മോഡി അധികാരികള്‍ക്ക് നിര്‍ദ്ദേശം നല്‍കി.

നാല് സ്ഥലങ്ങളില്‍ ഉണ്ടായ സ്ഫോടനങ്ങളില്‍ 42 പേരാണ് രണ്ട് മണിയ്ക്കൂറിനിടയ്ക്ക് മരിച്ചത്. മരണ സംഖ്യ ഇനിയും കൂടുമെന്നാണ് കരുതുന്നത്.

1993 ല്‍ മുംബൈയില്‍ ഉണ്ടായ സ്ഫോടന പരമ്പരയെ ഓര്‍മ്മിപ്പിയ്ക്കുന്നതാണ് ഈ സ്ഫോടന പരമ്പരയും.