കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഓണം: ഗള്‍ഫ് വിമാനങ്ങളില്‍ വന്‍തിരക്ക്

  • By Staff
Google Oneindia Malayalam News

തിരുവനന്തപുരം: ഓണം അടുത്തതോടെ ഗള്‍ഫിലേക്കുള്ള വിമാന സര്‍വീസുകളില്‍ വന്‍തിരക്ക് അനുഭവപ്പെട്ടുതുടങ്ങി. സപ്തംബര്‍ 15 വരെയുള്ള എല്ലാ വിമാനങ്ങളിലെയും സീറ്റുകള്‍ ബുക്ക് ചെയ്തിരിക്കുകയാണ്.

കഴിഞ്ഞ രണ്ട് ആഴ്ചയായി തിരുവനന്തപുരം, കൊച്ചി, കോഴിക്കോട് വിമാനത്താവളങ്ങളില്‍ നിന്നുള്ള ഗള്‍ഫ് വിമാനങ്ങളില്‍ കനത്ത തിരക്കാണ് അനുഭവപ്പെടുന്നത്. എല്ലാ വിമാനങ്ങളിലും പരമാവധി യാത്രക്കാരെ ഉള്‍പ്പെടുത്തിയിരിക്കുന്നു.

ഇത്ര തിരക്കുണ്ടായിട്ടും കൂടുതല്‍ സര്‍വീസുകള്‍ ഏര്‍പ്പെടുത്താത്തതിന് എയര്‍ലൈന്‍സുകളെ യാത്രക്കാര്‍ കുറ്റപ്പെടുത്തുന്നു. നേരത്തെ ഇന്ത്യന്‍ എയര്‍ലൈന്‍സ് ഈ വര്‍ഷം കൂടുതല്‍ വിമാന സര്‍വീസുകള്‍ പ്രഖ്യാപിച്ചിരിന്നെങ്കിലും പിന്നീട് അവ റദ്ദാക്കി. കഴിഞ്ഞ വര്‍ഷം തിരക്ക് കുറക്കാന്‍ ജംബോ സര്‍വീസുകള്‍ നടത്തിയിരുന്നെങ്കിലും ഇത്തവണ അതില്ല. കൂടുതല്‍ യാത്രക്കാര്‍ക്ക് ടിക്കറ്റ് നല്‍കിയതിനാല്‍ ഏതാനും ദിവസം മുമ്പ് കരിപ്പൂരില്‍ ആറ് യാത്രക്കാര്‍ക്ക് ടിക്കറ്റുണ്ടായിട്ടും എയര്‍ ഇന്ത്യ വിമാനത്തില്‍ യാത്ര തിരിക്കാനായില്ല.

യാത്രക്കാര്‍ കൂടുതല്‍ തുക നല്‍കാന്‍ ഒരുക്കമാണെങ്കിലും ടിക്കറ്റില്ലാത്ത സ്ഥിതിയാണുള്ളത്. അവസാനനിമിഷത്തില്‍ ടിക്കറ്റുകള്‍ റദ്ദാക്കുമെന്ന പ്രതീക്ഷയില്‍ പല എയര്‍ലൈന്‍സുകളും കൂടുതല്‍ യാത്രക്കാര്‍ക്ക് ടിക്കറ്റ് നല്‍കിയിട്ടുണ്ട്.

അവധിക്കായി നാട്ടില്‍ വരുന്നവരെയും തിരക്ക് ബാധിച്ചു. ട്രാവല്‍ ഏജന്‍സികള്‍ കേരളത്തില്‍ നിന്നുള്ള യാത്രക്കാര്‍ക്ക് മുന്‍ഗണന നല്‍കുന്നത്.

എയര്‍ ഇന്ത്യ ആഗസ്ത് 29ന് കരിപ്പൂരില്‍ നിന്ന് ദുബായിലേക്ക് അധിക സര്‍വീസ് നടത്തുന്നുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X