തൊഗാഡിയയെ യുപിയില്‍ തടഞ്ഞു

ഗാസിയാബാദ്: വി എച്ച് പി നേതാവ് പ്രവിണ്‍ തൊഗാഡിയയെ സപ്തംബര്‍ രണ്ട് ചൊവാഴ്ച ഉത്തര്‍പ്രദേശിലെ ഗാസിയാബാദ് ജില്ലയില്‍ പ്രവേശിക്കുന്നതില്‍ നിന്ന് തടഞ്ഞു. ഹാപുറില്‍ ത്രിശൂലങ്ങള്‍ വിതരണം ചെയ്യാനായാണ് തൊഗാഡിയ ഗാസിയാബാദ് ജില്ലയില്‍ പ്രവേശിക്കാനൊരുങ്ങിയത്.

തൊഗാഡിയയെ അധികൃതര്‍ ദില്ലിയിലേക്ക് തിരിച്ചയച്ചു. ചൊവാഴ്ച രാവിലെ 8.30ഓടെ പാര്‍ട്ടി പ്രവര്‍ത്തകരോടൊത്താണ് തൊഗാഡിയ ഗാസിയാബാദ് ജില്ലയിലേക്ക് പ്രവേശിക്കാന്‍ ഒരുങ്ങിയത്.

നേരത്തെ തൊഗാഡിയ ഗാസിയാബാദ്, ഗൗതം ബുദ്ധ നഗര്‍ ജില്ലകളില്‍ പ്രവേശിക്കുന്നത് ഉത്തര്‍പ്രദേശ് സര്‍ക്കാര്‍ നിരോധിച്ചിരുന്നു. നിരോധനം ലംഘിക്കുകയാണെങ്കില്‍ തൊഗാഡിയയെ അറസ്റ് ചെയ്യാനും ഉത്തരവുണ്ടായിരുന്നു. തൊഗാഡിയ ഗാസിയാബാദ് ജില്ലയില്‍ പ്രവേശിക്കുന്നത് തടയാന്‍ ഗാസിയാബാദിന്റെ എല്ലാ അന്തര്‍ സംസ്ഥാന അതിര്‍ത്തികളിലും പൊലീസിനെ നിയോഗിച്ചിരുന്നു.

ഉത്തര്‍ പ്രദേശ് പൊലീസ് പിന്നീട് തൊഗാഡിയെയെ ദില്ലയിലെ വി എച്ച് പി ഓഫീസിലെത്തിച്ചു.

ഉത്തര്‍ പ്രദേശ് സര്‍ക്കാരിന്റെ ഉത്തരവിനെതിരെ താന്‍ അഹമ്മദാബാദ് ഹൈക്കോടതിയെ സമീപിച്ചിട്ടുണ്ടെന്ന് തൊഗാഡിയ പറഞ്ഞു. രാമജന്മഭൂമി പ്രസ്ഥാനത്തെ ഉത്തര്‍ പ്രദേശ് മുഖ്യമന്ത്രി മുലായം സിംഗ് യാദവ് തകര്‍ക്കാന്‍ ശ്രമിക്കുകയാണെന്ന് അദ്ദേഹം ആരോപിച്ചു.