എന്നെ തളര്‍ത്താമെന്ന് കരുതണ്ട: കരുണാകരന്‍

കൊച്ചി: ഒരു ഉപതിരഞ്ഞെടുപ്പ് കൊണ്ട് തന്നെ തളര്‍ത്താമെന്ന് ആരും കരുതേണ്ടതില്ലെന്ന് കെ. കരുണാകരന്‍.

സപ്തംബര്‍ ആറ് ശനിയാഴ്ച ഐ ഗ്രൂപ്പ് സംഘടിപ്പിച്ച ജോര്‍ജ് ഈഡന്‍ അനുസ്മരണ യോഗത്തില്‍ സംസാരിക്കുകയായിരുന്നു അദ്ദേഹം.

എറണാകുളം ഉപതിരഞ്ഞെടുപ്പില്‍ താന്‍ കോണ്‍ഗ്രസിനെ വിജയിപ്പിക്കുമെന്നാണ് മുഖ്യമന്ത്രി പറയുന്നത്. അങ്ങനെയെങ്കില്‍ കോണ്‍ഗ്രസ് പ്രവര്‍ത്തകര്‍ക്ക് എന്താണ് സ്ഥാനമെന്ന് കരുണാകരന്‍ ചോദിച്ചു.

ആയിരക്കണക്കിന് ഐ ഗ്രൂപ്പ് പ്രവര്‍ത്തകര്‍ ഊഷ്മളമായ സ്വീകരണമാണ് കരുണാകരന് നല്‍കിയത്. വികാരാധീനനായാണ് കരുണാകരന്‍ യോഗത്തില്‍ പ്രസംഗിച്ചത്.

ഐ വിഭാഗത്തിന്റെ ശക്തി പ്രകടനമായികൂടിയാണ് ഈഡന്‍ അനുസ്മരണം സംഘടിപ്പിച്ചത്.