കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മാരനെ വീണ്ടും അപ്പോളോയില്‍ പ്രവേശിപ്പിച്ചു

  • By Staff
Google Oneindia Malayalam News

ചെന്നൈ: കേന്ദ്രമന്ത്രി മുരശൊലി മാരനെ സപ്തംബര്‍ ഏഴ് ഞായറാഴ് പുലര്‍ച്ചെ അപ്പോളോ ആശുപത്രിയില്‍ വീണ്ടും പ്രവേശിപ്പിച്ചു.

ഞായറാഴ്ച പുലര്‍ച്ചെ അമേരിക്കയില്‍ നിന്ന് ചെന്നൈ വിമാനത്താവളത്തിലെത്തിയ മാരനെ നേരിട്ട് അപ്പോളോ ആശുപത്രിയിലേക്ക് കൊണ്ടുപോവുകയായിരുന്നു. കുടുംബാംഗങ്ങളും ഡി എം കെ നേതാക്കളും അദ്ദേഹത്തോടൊപ്പമുണ്ടായിരുന്നു.

മാരന്റെ ആരോഗ്യസ്ഥിതിയെ പറ്റിയുള്ള വിവരങ്ങള്‍ മാധ്യമങ്ങളോട് വെളിപ്പെടുത്തരുതെന്ന് ആശുപത്രി അധികൃതര്‍ക്ക് മാരന്റെ കുടുംബം കര്‍ശന നിര്‍ദേശം നല്‍കിയിട്ടുണ്ടെന്നാണ് അറിയുന്നത്. അപ്പോളോയിലെ ഡോക്ടര്‍മാര്‍ മാധ്യമപ്രവര്‍ത്തകരുമായി സംസാരിക്കാന്‍ തയ്യാറായില്ല.

കഴിഞ്ഞ വര്‍ഷം ജൂലൈയില്‍ ദില്ലിയിലെ എ ഐ ഐ എം എസില്‍ മാരന് വാള്‍വ് മാറ്റിവയ്ക്കല്‍ ശസ്ത്രക്രിയ നടത്തിയിരുന്നു. ശസ്ത്രക്രിയയെ തുടര്‍ന്ന് ഉയര്‍ന്ന പനിയും നെഞ്ച് വേദനയും അനുഭവപ്പെട്ടതു മൂലം മാരനെ അപ്പോളോ ആശുപത്രിയിലേക്ക് മാറ്റി. അപ്പോളോ ആശുപത്രിയില്‍ വീണ്ടും ശസ്ത്രക്രിയക്ക് വിധേയനായ മാരന്റെ ആരോഗ്യസ്ഥിതി വഷളായതിനെ തുടര്‍ന്നാണ് കഴിഞ്ഞ നവംബര്‍ 14ന് യു എസിലേക്ക് പ്രത്യേക ചികിത്സക്കായി കൊണ്ടുപോയത്.

യു എസിലെ ചികിത്സ കൊണ്ടും മാരന്റെ ആരോഗ്യസ്ഥിതി ഒട്ടും മെച്ചപ്പെടാത്തതിനെ തുടര്‍ന്ന് അദ്ദേഹത്തോ അപ്പോളോ ആശുപത്രിയിലേക്ക് വീണ്ടും കൊണ്ടുവരാന്‍ കുടുംബാംഗങ്ങള്‍ തീരുമാനിക്കുകയായിരുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X