നോമ്പ് തുറയ്ക്കാന് സൗജന്യമായി കോള!
കോഴിക്കോട്: വിഷാംശമുണ്ടെന്ന റിപ്പോര്ട്ടുകളെ തുടര്ന്ന് വിപണിയില് ഇടിഞ്ഞുപോയ വില്പന തിരിച്ചുപിടിക്കാന് കോള കമ്പനികള് തന്ത്രം മെനയുന്നു.
വിചിത്രമായ തന്ത്രങ്ങളാണ് ഉപയോക്താക്കളെ ആകര്ഷിക്കാനായി കോള കമ്പനികള് മെനയുന്നത്. നോമ്പ് കാലത്ത് പള്ളികളില് നോമ്പ് തുറയ്ക്കുന്നതിന് കോള സൗജന്യമായി നല്കാമെന്ന് കൊക്ക കോള കമ്പനികള്ക്ക് വാഗ്ദാനം ചെയ്തതാണ് അതിലൊന്ന്.
നോമ്പ് കാലത്ത് 30 ദിവസവും കോള സൗജന്യമായി നല്കാമെന്നാണ് വാഗ്ദാനം. എന്നാല് പള്ളികള് ഈ വാഗ്ദാനം നിരാകരിച്ചു. കോള കമ്പനിയുടെ സൗജന്യ പാനീയം നോമ്പ് തുറയ്ക്കാന് വേണ്ടെന്നാണ് പള്ളികളുടെ നിലപാട്.
കോളകളില് കീടനാശിനിയും വിഷാംശവുമുണ്ടെന്ന റിപ്പോര്ട്ടുകളുടെ അടിസ്ഥാനത്തിലാണ് പള്ളികള് കോള കമ്പനിയുടെ വാഗ്ദാനം തള്ളിയിരിക്കുന്നത്. ഇറാക്ക് യുദ്ധത്തെ തുടര്ന്ന് അമേരിക്കന് ഉത്പന്നങ്ങളെ ബഹിഷ്കരിക്കാനുള്ള ആഹ്വാനവും മുസ്ലിം സമുദായത്തെ ഈ തീരുമാനമെടുക്കാന് പ്രേരിപ്പിച്ചിട്ടുണ്ട്.