കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മാറാട്: സമരം തുടരുമെന്ന് ബിജെപി

  • By Staff
Google Oneindia Malayalam News

കോഴിക്കോട്: മാറാട് സംഭവത്തില്‍ സി ബി ഐ അന്വേഷണത്തിന് സര്‍ക്കാര്‍ ഉത്തരവിടുംവരെ സമരം തുടരുമെന്ന് ബി ജെ പി സംസ്ഥാന പ്രസിഡന്റ് പി. എസ്. ശ്രീധരന്‍പിള്ള പറഞ്ഞു.

ശ്രീനാരായണഗുരുജയന്തി ദിനമായ സപ്തംബര്‍ 10 ബുധനാഴ്ച തുടങ്ങിയ 12 ദിവസത്തെ റിലേ സത്യഗ്രഹം ഉദ്ഘാടനം ചെയ്യുകയായിരുന്നു ശ്രീധരന്‍പിള്ള.

മുഖ്യമന്ത്രി എ. കെ. ആന്റണിക്ക് പ്രശ്നത്തോട് മുഖം തിരിച്ചിരിക്കാനാവില്ല. മാറാട്ടെ ഹിന്ദുവിഭാഗത്തില്‍ പെട്ടവര്‍ക്ക് നീതി ലഭിക്കുംവരെ ബി ജെ പി അടങ്ങിയിരിക്കില്ല. അരയസമാജം നിശബ്ദമായിരിക്കുന്നതിനെ സര്‍ക്കാര്‍ തെറ്റിദ്ധരിക്കരുത്. മാറാട് അക്രമത്തിന് പിന്നിലെ യഥാര്‍ഥ വസ്തുതകള്‍ വെളിച്ചത്തു കൊണ്ടുവരാന്‍ വേണ്ടിയാണ് സി ബി ഐ അന്വേഷണം ആവശ്യപ്പെടുന്നത്.

അന്വേഷണം സി ബി ഐക്ക് കൈമാറുന്നത് തടസപ്പെടുത്തുന്ന മുസ്ലിം ലീഗ് ഏകപക്ഷീയമായി സര്‍ക്കാര്‍ തീരുമാനങ്ങളെ നിയന്ത്രിക്കുകയാണ്. മാറാട് സംഭവത്തില്‍ ലീഗിന് പങ്കില്ലെങ്കില്‍ ലീഗ് നേതാക്കള്‍ എന്തിനാണ് സി ബി ഐ അന്വേഷണത്തെ ഭയക്കുന്നത്?

സി ബി ഐ അന്വേഷണത്തിന് സര്‍ക്കാര്‍ ഉത്തരവിടുമെന്ന പ്രതീക്ഷയില്‍ ബി ജെ പി അങ്ങേയറ്റം നിയന്ത്രണം പാലിച്ചിട്ടുണ്ട്. സര്‍ക്കാര്‍ നിലപാടില്‍ മാറ്റമില്ലാത്ത സാഹചര്യത്തില്‍ അരയസമാജത്തെ സഹായിക്കാനായി ബി ജെ പി പ്രക്ഷോഭം ആരംഭിക്കുകയാണ്.

കൂട്ടക്കൊലയ്ക്ക് ഇരയായവരുടെ കുടംബങ്ങള്‍ക്ക് സഹായമെത്തിക്കുമെന്ന വാഗ്ദാനത്തില്‍ നിന്ന് സര്‍ക്കാര്‍ പിന്നോക്കം പോയ നിലക്ക് മാറാട് സമാധാനം നിലനില്‍ക്കുമെന്ന് ബി ജെ പിക്ക് ഉറപ്പ് പറയാനാവില്ലെന്ന് ശ്രീധരന്‍പിള്ള പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X