തോമസിനെ തടയാന് ഐ വിഭാഗം
കൊച്ചി: എഐസിസിയുടെ നിരീക്ഷകരായ വീരപ്പമൊയ്ലിയെയും ജി.കെ.വാസനെയും കാണാനെത്തിയ മന്ത്രി കെ.വി. തോമസിനെ തടയാന് ഐ വിഭാഗം ശ്രമിച്ചു. ആലുവ പാലസില് കഴിഞ്ഞ ദിവസം ഉച്ചയോടെയാണ് തോമസ് കേന്ദ്ര നിരീക്ഷകരെ കാണാനെത്തിയത്.
കെപിസിസി പ്രസിഡന്റ് കെ. മുരളീധരന് നിരീക്ഷകരുമായി ചര്ച്ച നടത്തി മടങ്ങിയ ഉടനെയാണ് കെ.വി. തോമസ് ഇവരെ കാണാനെത്തിയത്. മന്ത്രി തോമസ് നിരീക്ഷകരെ കാണാന് പോകുന്നത് കണ്ട ഐ വിഭാഗം പ്രവര്ത്തകര് തോമസിനെതിരെ മുദ്രാവാക്യം മുഴക്കുകയും അദ്ദേഹത്തെ തടയാന് ശ്രമിയ്ക്കുകയും ചെയ്തു.
തോമസ് ഗോ ബാക്ക്, തെരുവിലിറങ്ങാന് നോക്കേണ്ട... തുടങ്ങിയ മുദ്രാവാക്യങ്ങളാണ് പ്രേക്ഷകര് മുഴക്കിയത്. കരുണാകരനെ കവലച്ചട്ടമ്പിയെന്ന് ആക്ഷേപിച്ച മന്ത്രി രാജിവയ്ക്കണമെന്നും പ്രവര്ത്തകര് ആവശ്യപ്പെട്ടു. പ്രകടനക്കാര് പാഞ്ഞെത്തും മുമ്പേ മന്ത്രി തോമസ് കോണിപ്പടികള് കയറി മുകളിലെ മുറിയില് പ്രവേശിച്ചു. പ്രകടനക്കാരെ പൊലീസുകാരും മന്ത്രിയുടെ സുരക്ഷാ ഉദ്യോഗസ്ഥരും ചേര്ന്ന് കോണിച്ചുവട്ടില് തടഞ്ഞു.