കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആന്റണിയുടെ സ്ഥാനാര്‍ഥിയെ തോല്പിക്കണം: കരുണാകരന്‍

  • By Super
Google Oneindia Malayalam News

തിരുവനന്തപുരം: എറണാകുളം ഉപതിരഞ്ഞെടുപ്പില്‍ എ. കെ. ആന്റണിയുടെ സ്ഥാനാര്‍ഥിയെ തോല്പിക്കണമെന്നും ഐ ഗ്രൂപ്പ് വോട്ടുകള്‍ അതിനായി ഉപയോഗിക്കണമെന്നും കെ. കരുണാകരന്‍.

ഒരു മലയാള ദിനപത്രത്തിന് നല്‍കിയ അഭിമുഖത്തിലാണ് കരുണാകരന്‍ ഇങ്ങനെ പറഞ്ഞത്. ഈ അഭിമുഖം ഇതോടെ വിവാദമായിരിക്കുകയാണ്. ഒന്നര ലക്ഷം ഐ ഗ്രൂപ്പ് വോട്ടുകളാണ് എറണാകുളത്തുള്ളതെന്നും അത് പാഴാക്കാനാവില്ലെന്നും കരുണാകരന്‍ പറഞ്ഞു. ഓരോ വോട്ടും പ്രയോജനപ്പെടുത്തണം. അധികാരമുപയോഗിച്ച് എന്തും ചെയ്യാമെന്ന് ആന്റണി കരുതേണ്ട.

ഇനി ഒരു വിട്ടുവീഴ്ചയ്ക്കും തയ്യാറല്ല. മുഖ്യമന്ത്രിയുടെ നിലപാട് തന്നെ മാനസികമായി തളര്‍ത്തിയിരിക്കുന്നു. ഇനി അയാളുടെ ശല്യമുണ്ടാവില്ലെന്ന് കോണ്‍ഗ്രസ് നേതാക്കള്‍ക്ക് ഉറപ്പ് നല്‍കിയാണ് എറണാകുളം സീറ്റ് ആന്റണി കരസ്ഥമാക്കിയത്. മുഖ്യമന്ത്രിമാരുടെ സമ്മേളനത്തിനായി ശ്രീനഗറിലേക്ക് പോവുന്നതിനിടയില്‍ ദില്ലിയിലിറങ്ങിയപ്പോള്‍ തന്നെ ആന്റണി സ്ഥാനാര്‍ഥിത്വം ജോണിനാണെന്ന് ഉറപ്പിച്ചിരുന്നു. പിന്നീട് നടന്നതെല്ലം നാടകം മാത്രമാണ്.

ഹൈക്കമാന്റ് ഇനി തനിക്കെതിരെ എന്ത് നടപടിയെടുക്കാനാണെന്നും കരുണാകരന്‍ പറഞ്ഞു. കോണ്‍ഗ്രസില്‍ നിന്ന് പുറത്താക്കിയാല്‍ പുതിയ പാര്‍ട്ടി രൂപീകരിക്കുമെന്നും ആവശ്യമെങ്കില്‍ സി പി എമ്മുമായി കൂട്ടുചേരുമെന്നും കരുണാകരനോടൊപ്പമുണ്ടായിരുന്നു പത്മജ വേണുഗോപാല്‍ പറഞ്ഞതായി ദിനപത്രം റിപ്പോര്‍ട്ട് ചെയ്തു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X