മാറാട് പുനരധിവാസം ഒക്ടോ. രണ്ടിനുള്ളില്
തിരുവനന്തപുരം: മാറാട് പുനരധിവാസം ഗാന്ധിജയന്തി ദിനമായ ഒക്ടോബര് രണ്ടിനുള്ളില് നടത്താന് മന്ത്രിസഭായോഗം തീരുമാനിച്ചു.
മാറാട് പ്രശ്നത്തെ തുടര്ന്ന് ഇതാദ്യമായാണ് പുനരധിവാസത്തിന് സര്ക്കാര് ഒരു തീയതി പ്രഖ്യാപിക്കുന്നത്.
മാറാട് നിന്ന് ഓടിപ്പോയവര് കഴിയുന്ന ക്യാമ്പുകള് സര്ക്കാര് ഏറ്റെടുത്ത് മെച്ചപ്പെട്ട സൗകര്യങ്ങള് ഏര്പ്പെടുത്തുമെന്ന് മന്ത്രിസഭായോഗത്തിന് ശേഷം വാര്ത്താ സമ്മേളനത്തില് മുഖ്യമന്ത്രി അറിയിച്ചു.
പുനരധിവാസത്തിന്റെ മേല്നോട്ടത്തിന് പൊതുഭരണവിഭാഗം പ്രിന്സിപ്പല് സെക്രട്ടറി കെ. കെ. വിജയകുമാറിനെ ചുമതലപ്പെടുത്തി. കൊല്ലപ്പെട്ടവരുടെം കുടുംബങ്ങള്ക്ക് കൂടുതല് സഹായം അനുവദിക്കുന്ന കാര്യം സര്ക്കാര് പരിഗണിക്കും.
കേന്ദ്രം ഭരിക്കുന്ന കക്ഷി മാറാട് പ്രശ്നത്തില് സര്ക്കാരുമായി സഹകരിക്കാന് തയ്യാറായില്ലെന്ന് ആന്റണി കുറ്റപ്പെടുത്തി. ബി ജെ പി ഭരിക്കുന്ന സംസ്ഥാനങ്ങളിലും മറ്റ് കക്ഷികള് ഭരിക്കുന്ന സംസ്ഥാനങ്ങളിലും ഇരട്ടത്താപ്പാണ് ബി ജെ പി സ്വീകരിക്കുന്നത്.
Click it and Unblock the Notifications
Sign in with Google