സ്വാശ്രയ എഞ്ചി.: ഫീസ് കുറഞ്ഞില്ല
തിരുവനന്തപുരം: സ്വാശ്രയ മെഡിക്കല് കോളജുകളില് മെറിറ്റ് സീറ്റുകളില് സര്ക്കാര് മെഡിക്കല് കോളജുകളിലേതിന് തുല്യമായ ഫീസ് ഈടാക്കാന് തീരുമാനിച്ചപ്പോള് സ്വാശ്രയ എഞ്ചിനീയറിംഗ് കോളജുകളില് മാനേജ്മെന്റ് സീറ്റിനും മെറിറ്റ് സീറ്റിനും ഒരേ ഫീസ്.
സ്വാശ്ര എഞ്ചിനീയറിംഗ് കോളജുകളില് മെറിറ്റില് പ്രവേശനം നേടിയവര് 36,000 രൂപ ഫീസായി നല്കണം. അതേ സമയം സര്ക്കാര് എഞ്ചിനീയറിംഗ് കോളജുകളില് 4,000 രൂപയാണ് ഫീസ്.
സര്ക്കാര് തീരുമാനമനുസരിച്ച് സ്വാശ്രയ മെഡിക്കല് കോളജുകളിലെ മെറിറ്റ് സീറ്റില് പ്രവേശനം ലഭിച്ചവര് ഫീസായി 9,625 രൂപ നല്കിയാല് മതി. എന്നാല് എഞ്ചിനീയറിംഗ് കോളജുകളുടെ കാര്യത്തില് സര്ക്കാര് മറ്റൊരു സമീപനമാണ് സ്വീകരിച്ചത്. അവിടെ മെറിറ്റ് സീറ്റില് 36,000 രൂപ തന്നെ ഫീസായി നല്കണം.
സര്ക്കാരിന്റെ ഈ നയം വിദ്യാര്ഥികള്ക്കിടയില് വ്യാപക പ്രതിഷേധത്തിന് കാരണമായിട്ടുണ്ട്. സ്വാശ്രയ എഞ്ചിനീയറിംഗ് മെറിറ്റ് സീറ്റില് ഇളവ് നല്കാത്തതു മൂലം സീറ്റ് നേടിയിട്ടും ഒട്ടേറെ വിദ്യാര്ഥികള് പ്രവേശനനത്തിന് തയ്യാറായിട്ടില്ല.