കാത്തലിക് ബാങ്ക് എടിഎം അങ്കമാലിയില്‍

അങ്കമാലി: കാത്തലിക് സിറിയന്‍ ബാങ്ക് അങ്കമാലിയില്‍ 24 മണിക്കൂര്‍ പ്രവര്‍ത്തിക്കുന്ന ഓട്ടോമാറ്റിക് ടെല്ലര്‍ മെഷീന്‍(എടിഎം) സ്ഥാപിച്ചു. അങ്കമാലിയിലേക്ക് ബാങ്കിന്റെ ശാഖ മാറ്റിസ്ഥാപിക്കുന്നതോടനുബന്ധിച്ചാണ് എടിഎമ്മും സ്ഥാപിച്ചത്.

ബാങ്ക് ശാഖ മാറ്റിസ്ഥാപിക്കുന്ന ചടങ്ങ് പി.ജെ. ജോയി എംഎല്‍എ ഉദ്ഘാടനം ചെയ്തു. കാത്തലിക് സിറിയന്‍ ബാങ്ക് ചെയര്‍മാന്‍ എന്‍.ആര്‍. അച്ചന്‍ എടിഎമ്മിന്റെ ഉദ്ഘാടനം നിര്‍വഹിച്ചു.

സെന്റ് ജോര്‍ജ്ജ് പള്ളി വികാരി ഫാദര്‍ പോള്‍ കരിയാട്ടി, കാത്തലിക് സിറിയന്‍ ബാങ്ക് ഡയറക്ടര്‍ വി. വേണുഗോപാല്‍, മുനിസിപ്പല്‍ ആക്ടിംഗ് ചെയര്‍പേഴ്സണ്‍ ലിസി മത്തായി, അന്ത്യോദയ എക്സിക്യൂട്ടീവ് ഡയറക്ടര്‍ പീറ്റര്‍ തെറ്റയില്‍, കാത്തലിക് സിറിയന്‍ ബാങ്ക് എറണാകുളം സോണല്‍ മാനേജര്‍ ബേബി ജോസഫ് ആലപ്പാട്ട്, ബാങ്കിന്റെ അങ്കമാലി ശാഖാ സീനിയര്‍ മാനേജര്‍ ജോബ് മാത്യു എന്നിവര്‍ സംസാരിച്ചു.

കാത്തലിക് സിറിയന്‍ ബാങ്കിന് ഇപ്പോള്‍ രാജ്യത്ത് 287 ശാഖകളുണ്ട്. 42 എക്സ്റ്റെന്‍ഷന്‍ കൗണ്ടറുകള്‍ ഉണ്ട്. കേരളത്തില്‍ ബാങ്കിന് 210 ശാഖകളുണ്ട്. 2005ല്‍ 10,000 കോടിയുടെ ബിസിനസ്സാണ് ബാങ്ക് ലക്ഷ്യമിടുന്നത്.