ഐ ഗ്രൂപ്പും ജോണിനെ പിന്താങ്ങി

തിരുവനന്തപുരം: ഐ ഗ്രൂപ്പിലെ ചില നേതാക്കളും എം.ഒ. ജോണിനെ പിന്താങ്ങിയിരുന്നുവെന്ന് സ്പീക്കര്‍ വക്കം പുരുഷോത്തമന്‍. വാര്‍ത്താസമ്മേളനത്തിലാണ് സ്പീക്കര്‍ വക്കം ഇക്കാര്യം വെളിപ്പെടുത്തിയത്.

സംസ്ഥാനത്ത് ആദ്യമായാണ് തിരഞ്ഞെടുപ്പില്‍ ഹൈക്കമാന്റ് ഒരു കോണ്‍ഗ്രസ് സ്ഥാനാര്‍ത്ഥിയെ നിര്‍ത്തിയത്. ഇതുവരെ ഗ്രൂപ്പിന്റെ സ്ഥാനാര്‍ത്ഥികളെ നിര്‍ത്തുകയായിരുന്നു പതിവ്.

ഞാന്‍ ഹൈക്കമാന്റിന്റെ ഈ തീരുമാനത്തില്‍ സന്തുഷ്ടനാണ്. കാരണം മെറിറ്റിന്റെ അടിസ്ഥാനത്തിലാണ് ഹൈക്കമാന്റ് ഈ സ്ഥാനാര്‍ത്ഥിയെ നിര്‍ത്തിയത്. - വക്കം പറഞ്ഞു.