ഐക്കാരെ തുണയ്ക്കാന് സിപിഎം പട
കൊച്ചി: ഐ ഗ്രൂപ്പ് പ്രവര്ത്തകര്ക്ക് സംരക്ഷണം നല്കാന് സിപിഎം പട കൊച്ചിയിലെത്തുന്നു. തിരഞ്ഞെടുപ്പ് ദിവസം എ ഗ്രൂപ്പുകാര് ഐ ഗ്രൂപ്പുകാരെ ആക്രമിച്ചേയ്ക്കാമെന്ന അഭ്യൂഹമുള്ളതിനാലാണ് സിപിഎമ്മുകാര് സംരക്ഷണത്തിനായി എത്തുന്നത്.
സംസ്ഥാനത്തിന്റെ വിവിധ ഭാഗങ്ങളില് കരുത്തരായ ചെറുപ്പക്കാരെ കൊച്ചിയിലേക്കയയ്ക്കാന് സിപിഎം നേതൃത്വം വിവിധ ജില്ലാസമിതികള്ക്ക് നിര്ദേശം നല്കിയിട്ടുണ്ട്. ഓരോ ബൂത്തിലും 10 മുതല് 15 വരെ വളന്റിയര്മാരെ സിപിഎം നിയോഗിക്കും.
തിരഞ്ഞെടുപ്പ് ദിവസം ഐക്കാര് സെബാസ്റ്യന് പോളിന് വേണ്ടിവോട്ട് ചോദിയ്ക്കുന്നത് സംഘര്ഷം ഉണ്ടാക്കിയേക്കുമെന്ന സംശയം സിപിഎമ്മുകാര്ക്കുണ്ട്. വോട്ട് ചെയ്യാനെത്തുന്നതില് നിന്ന് ഐ ഗ്രൂപ്പുകാരെ എ ഗ്രൂപ്പുകാര് തടഞ്ഞേക്കുമെന്നും സിപിഎം ഭയപ്പെടുന്നു. കോണ്ഗ്രസുകാര് തമ്മില് തര്ക്കമുണ്ടായാല് തങ്ങളുടെ സെബാസ്റ്യന്പോളിന് വേണ്ടി നില്ക്കുന്നവര്ക്കായി പ്രവര്ത്തിയ്ക്കാനാണ് സിപിഎം ശ്രമം.