കാര്യങ്ങൾ അതിവേഗം അറിയാൻ
For Daily Alerts
എന്ജിഒ. അസോ. പരാതി കോടതി തള്ളി
ദില്ലി: സമരം ചെയ്യാനുള്ളനിയമപരവും ഭരണഘടനാപരവുമായ അവകാശം സര്ക്കാര് ജീവനക്കാര്ക്കില്ലെന്ന സുപ്രീംകോടതിയുടെ വിധി പുനപരിശോധിയ്ക്കാന് ആവശ്യപ്പെട്ട് കേരളത്തിലെ സര്ക്കാര് ജീവനക്കാര് നല്കിയ ഹര്ജി കോടതി തള്ളി.
കേരള എന്ജിഒ അസോസിയേഷനാണ് സുപ്രീംകോടതിയില് ഈ ഹര്ജി നല്കിയിരുന്നത്. ജസ്റിസുമാരായ എം.ബി.ഷാ, എ.ആര്. ലക്ഷ്മണന് എന്നിവരുള്പ്പെട്ട ഡിവിഷന് ബെഞ്ചാണ് ഹര്ജി തള്ളിയത്.
തമിഴ്നാട് സര്ക്കാര് ജീവനക്കാരുടെ സമരത്തോടനുബന്ധിച്ചാണ് ആഗസ്ത് ആറിന് സുപ്രീംകോടതി വിധി പുറപ്പെടുവിച്ചത്. ദൂരവ്യാപകമായ പ്രത്യാഘാതങ്ങള് ഉണ്ടാക്കുന്ന ഈ വിധി പുനപരിശോധിയ്ക്കണമെന്നും ഈ വിധി ഇന്ത്യന് തര്ക്കനിയമത്തിന് വിരുദ്ധമാണെന്നും ചൂണ്ടിക്കാട്ടിയാണ് എന്ജിഒ അസോസിയേഷന് പരാതി നല്കിയത്.
Comments
Story first published: Wednesday, September 24, 2003, 5:30 [IST]