കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സിഇഒ സമ്മേളനത്തിന് മുന്നോടിയായി ചര്‍ച്ച നടന്നു

  • By Staff
Google Oneindia Malayalam News

കൊച്ചി: അമൃതവര്‍ഷത്തിന്റെ മൂന്നാം ദിവസമായ സപ്തംബര്‍ 26 വെള്ളിയാഴ്ച നടക്കുന്ന സിഇഒ സമ്മേളനത്തിന് മുന്നോടിയായി വ്യാഴാഴ്ച നടന്ന യോഗത്തില്‍ എണ്‍പതോളം വ്യവസായി പ്രമുഖര്‍ പങ്കെടുത്തു.

കന്‍വല്‍ രെഖി (പ്രസിഡന്റ്, എന്‍സിം), ശ്രീധര്‍ അയ്യങ്കാര്‍ (പ്രസിഡന്റ്, ടി ഐ ഇ, സിലിക്കണ്‍വാലി), ഷിബുലാല്‍ (ഡയറക്ടര്‍, ഇന്‍ഫോസിസ്), എസ്. സോമശേഖര്‍ (കോര്‍പ്പറേറ്റ് വൈസ് പ്രസിഡന്റ്, മൈക്രോസോഫ്റ്റ്), ബി. വി. ജഗദീഷ് (പ്രസിഡന്റ്, നെറ്റ്സ്കാലര്‍), ഗുരുരാജ്ദേശ് പാണ്ഡെ (ചെയര്‍മാന്‍, സികമോര്‍ നെറ്റ്വര്‍ക്സ്), സി. കെ. പ്രഹ്ലാദ് (മാനേജ്മെന്റ് ഗുരു, ബിസിനസ് അഡ്മിനിസ്ട്രേഷന്‍, മിച്ചിഗന്‍ സര്‍വകലാശാല) എന്നിവര്‍ യോഗത്തില്‍ പങ്കെടുത്തു.

രാഷ്ട്രപതി അബ്ദുള്‍ കലാമിന്റെ വീക്ഷണത്തെ പറ്റിയും ലോകസമാധാനത്തെയും സൗഹാര്‍ദത്തെയും കുറിച്ചുള്ള അമൃതാന്ദമയിയുടെ ദര്‍ശനത്തെ പറ്റിയും സമ്മേളനത്തില്‍ ചര്‍ച്ച ചെയ്തു.

സോഫ്റ്റ്വേര്‍ വ്യവസായത്തില്‍ ഇന്ത്യ കൈവരിച്ച നേട്ടം മറ്റ് വ്യവസായങ്ങളിലും ആവര്‍ത്തിക്കമെന്ന് സമ്മേളനത്തില്‍ സംസാരിച്ച മാനേജ്മെന്റ് ഗുരു സി. കെ. പ്രഹ്ലാദ് പറഞ്ഞു. സാമ്പത്തിക മേഖലയില്‍ ഇന്ത്യ പൂര്‍ണസ്വരാജ് കൈവരിക്കണം. അഴിമതി ഇല്ലാതാക്കിയില്‍ രാജ്യത്തിന് ഏറെ മുന്നോട്ടുപോവാനാവും.

എല്ലാ തടസങ്ങളും അതിജീവിച്ച് രാജ്യത്തിന് ഉയരങ്ങളിലെത്താനാവുമെന്ന് ദേശ് പാണ്ഡെ പറഞ്ഞു. സാങ്കേതികവിദ്യ ഉണ്ടാക്കിയാല്‍ പോരെന്നും അത് ജനങ്ങളിലെത്തിക്കണമെന്നും ഗുരു പരുല്‍ക്കര്‍ (നാഷണല്‍ സയന്‍സ് ഫൗണ്ടേഷന്‍) പറഞ്ഞു.

രാഷ്ട്രപതി എ. പി. ജെ. അബ്ദുള്‍ കലാമിന്റെയും മാതാ അമൃതാനന്ദമയിയുടെയും സാന്നിധ്യത്തിലാണ് വെള്ളിയാഴ്ച സിഇഒ ഉച്ചകോടി നടക്കുന്നത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X