നക്കീരന്‍ ഗോപാലിന് ജാമ്യം നിഷേധിച്ചു

ദില്ലി: നക്കീരന്‍ പത്രാധിപര്‍ ആര്‍.ആര്‍. ഗോപാലിന് മദ്രാസ് ഹൈക്കോടതി അനുവദിച്ച ജാമ്യം സുപ്രീംകോടതി റദ്ദാക്കി. ജസ്റിസുമാരായ എസ്.എന്‍. വരിയവ, എച്ച്.കെ. സേമ എന്നിവരുള്‍പ്പെട്ട ഡിവിഷന്‍ ബെഞ്ചാണ് സപ്തംബര്‍ 26 വെള്ളിയാഴ്ച ഈ വിധി പറഞ്ഞത്.

മദ്രാസ് ഹൈക്കോടതി വിധിയ്ക്കെതിരെ തമിഴ്നാട് സര്‍ക്കാര്‍ നല്കിയ അപ്പീലിലാണ് സുപ്രീംകോടതിയുടെ ഈ വിധി. രാജാമണി എന്ന യുവാവിനെ 1999ല്‍ കാണാതായ സംഭവത്തിലാണ് 2003 ഏപ്രില്‍ 11ന് നക്കീരന്‍ ഗോപാലിനെ അറസ്റ് ചെയ്തത്. കഴിഞ്ഞ അഞ്ച് മാസമായി നക്കീരന്‍ ഗോപാല്‍ കസ്റഡിയിലായിരുന്നു.

അതേ സമയം നക്കീരന്‍ ഗോപാലിനെതിരെ കുറ്റപത്രം നല്കരുതെന്ന് സുപ്രീംകോടതിയുടെ മറ്റൊരു ബെഞ്ച് തമിഴ്നാട് സര്‍ക്കാരിനെ വിലക്കിയിട്ടുണ്ട്. തനിയ്ക്കെതിരെ പോട്ട ചുമത്തുന്നതിനെതിരെ നക്കീരന്‍ നല്കിയ പരാതി കൂടി പരിഗണിച്ചശേഷം മാത്രമേ കുറ്റപത്രം നല്കാവൂ എന്നാണ് സുപ്രീംകോടതി നിര്‍ദേശിച്ചിരിക്കുന്നത്.

ഗോപാലിനെ പൊലീസ് അറസ്റ് ചെയ്ത് അഞ്ച് ദിവസം കഴിഞ്ഞാണ് അദ്ദേഹത്തിനെതിരെ പോട്ട ചുമത്തിയത്. ഗോപാലില്‍ നിന്ന് നിയമവിരുദ്ധമായ ആയുധങ്ങള്‍ പിടികൂടിയെന്നാരോപിച്ചാണ് പോട്ട ചുമത്തിയത്.