സിപിഎം കേന്ദ്രങ്ങളില്‍ ആഹ്ലാദം

കൊച്ചി: സെബാസ്റ്യന്‍ പോള്‍ ലീഡിലേക്ക് കുതിയ്ക്കുമ്പോള്‍ സിപിഎം കേന്ദ്രങ്ങള്‍ വിജയാഹ്ലാദത്തില്‍.

ഏകദേശം 40 ശതമാനത്തിനടുത്ത് വോട്ടെണ്ണിക്കഴിഞ്ഞപ്പോള്‍ സെബാസ്റ്യന്‍ പോള്‍ 16,705 ലേറെ ലീഡ് നേടിയത് വ്യക്തമായ വിജയലക്ഷണമാണ് കാണിക്കുന്നതെന്ന് സിപിഎം ജില്ലാ കേന്ദ്രങ്ങളില്‍ നിന്നുള്ള വിലയിരുത്തല്‍.

ആദ്യത്തെ റൗണ്ടുകള്‍ എണ്ണിക്കഴിയുമ്പോള്‍ ആര് ലീഡ് നേടുന്നു അവര്‍ എറണാകുളം സീറ്റ് കയ്യടക്കുകയാണ് സാധാരണപതിവെന്നും ഇപ്പോള്‍ സെബാസ്റ്യന്‍ പോള്‍ ലീഡ് നേടിയിരിക്കുന്നത് എല്‍ഡിഎഫ് വിജയത്തെയാണ് കാണിക്കുന്നതെന്ന് മുന്‍മന്ത്രി എസ്. ശര്‍മ്മ പറഞ്ഞു.

മട്ടാഞ്ചേരി തുടങ്ങിയ മണ്ഡലങ്ങളില്‍ എല്‍ഡിഎഫ് സ്ഥാനാര്‍ത്ഥി നേടിയ മുന്‍തൂക്കം മുസ്ലിം വോട്ടുകള്‍ ആന്റണി സര്‍ക്കാരിനെതിരെ മറിഞ്ഞുവെന്നാണ് സൂചിപ്പിക്കുന്നത്. മാത്രമല്ല, വിശ്വനാഥമേനോന് കുറച്ച് വോട്ടുകളെ കിട്ടിയുള്ളൂ എന്നതും സിപിഎം വിമതര്‍ക്കും ബിജെപിയ്ക്കും വലിയ നേട്ടങ്ങള്‍ ഉണ്ടാക്കാന്‍ കഴിഞ്ഞില്ല എന്നതിന്റെ സൂചനയാണ്. - എസ്. ശര്‍മ്മ പറഞ്ഞു.

എന്നാല്‍ തുടക്കത്തില്‍ എം ഒ ജോണ്‍ ലീഡ് ചെയ്തിരുന്നു. നാലാം റൗണ്ട് വോട്ടെണ്ണല്‍ കഴിഞ്ഞതോടെയാണ് സബാസ്റ്യന്‍ പോള്‍ ലീഡ് തുടങ്ങിയത്. അതിന് ശേഷം സബാസ്റ്യന്‍ പോള്‍ പിന്നാക്കം പോയതേയില്ല.