• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

കരുണാകരനെ പിന്തുണയ്ക്കും : പിണറായി

  • By Staff

ദില്ലി: ആന്റണി സര്‍ക്കാരിനെ മറിച്ചിടാന്‍ വേണ്ടിവന്നാല്‍ കരുണാകരന് പിന്തുണ നല്കുമെന്ന് സിപിഎം സംസ്ഥാനസെക്രട്ടറി പിണറായി വിജയന്‍. സപ്തംബര്‍ 30 ചൊവാഴ്ച ദില്ലിയില്‍ വാര്‍ത്താലേഖകരോട് സംസാരിക്കുകയായിരുന്നു അദ്ദേഹം.

കരുണാകരന്റെ നേതൃത്വത്തിലുള്ള ബദല്‍ സര്‍ക്കാരിന് പുറത്തുനിന്ന് പിന്തുണ നല്കാന്‍ തയ്യാറാണ്. പക്ഷെ ആ സര്‍ക്കാരുമായി സിപിഎം ഭരണം പങ്കിടില്ല. പകരം പുറത്ത് നിന്ന് പിന്തുണ നല്കും. - പിണറായി വ്യക്തമാക്കി.

യുഡിഎഫ് സര്‍ക്കാരിന്റെ ദുഷ്ചെയ്തികള്‍ക്കെതിരെ കരുണാകരന്‍ ഉറച്ചനിലപാടെടുത്തുവെന്നും പിണറായി പറഞ്ഞു. കരുണാകരന്‍ കോണ്‍ഗ്രസ് വിട്ട് പുറത്തുവന്നാല്‍ സിപിഎം സഹകരിയ്ക്കുമോ എന്ന ചോദ്യത്തിന് 1980ല്‍ ആന്റണിയുമായി സിപിഎം സഹകരിച്ചിരുന്നുവെന്ന് പിണറായി പറഞ്ഞു. സാഹചര്യം ആവശ്യപ്പെട്ടാന്‍ ഇപ്പോള്‍ ഞങ്ങള്‍ അനുകൂല നിലപാടെടുക്കും.- പിണറായി വ്യക്തമാക്കി.

കോണ്‍ഗ്രസ് സ്ഥാനാര്‍ത്ഥി എം.ഒ. ജോണിനെതിരെ പരസ്യമായി രംഗത്തുവന്ന കരുണാകരന് ഇപ്പോള്‍ 21 എംഎല്‍എമാരുടെ പിന്തുണയുണ്ട്. സാഹചര്യങ്ങളാണ്, വ്യക്തികളല്ല പ്രധാനമെന്നും പിണറായി വിജയന്‍ പറഞ്ഞു.

എറണാകുളം ഉപതിരഞ്ഞെടുപ്പില്‍ ജയിക്കാന്‍ പണവും ജാതിയും വര്‍ഗ്ഗീയതയും ഉപയോഗിച്ച ആന്റണിയ്ക്ക് ഇനി അധികാരത്തില്‍ തുടരാന്‍ അര്‍ഹതയില്ലെന്നും പിണറായി പറഞ്ഞു.

ബിജെപി എല്ലാക്കാലത്തും വോട്ടുകള്‍ വിറ്റിരുന്നു. എറണാകുളം തിരഞ്ഞെടുപ്പിലും അത് തന്നെ സംഭവിച്ചു. - പിണറായി സൂചിപ്പിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more