കൊച്ചിയിലെ നാടകം കേരളം മുഴുവനെന്ന്

തിരുവനന്തപുരം: എറണാകുളത്ത് കളിച്ച നാടകം കേരളത്തില്‍ എല്ലായിടത്തും അരങ്ങേറുമെന്ന് ഐ ഗ്രൂപ്പ് നേതാവും കെപിസിസി ജനറല്‍ സെക്രട്ടറിയുമായ രാജ്മോഹന്‍ ഉണ്ണിത്താന്‍.

എറണാകുളത്ത് ഐ ഗ്രൂപ്പ് കളിച്ച നാടകം ഇനി മറ്റൊരിടത്തും ആടാന്‍ അനുവദിയ്ക്കില്ലെന്ന മുഖ്യമന്ത്രി ആന്റണിയുടെ പ്രസ്താവനയോട് പ്രതികരിയ്ക്കുകയായിരുന്നു അദ്ദേഹം.

എറണാകുളത്ത് നാടകമാണെന്നും അത് വ്യാപിപ്പിയ്ക്കാന്‍ അനുവദിയ്ക്കില്ലെന്നുമാണ് ആന്റണി പറഞ്ഞത്. എറണാകുളം നാടകമാണെങ്കില്‍ നടക്കാന്‍ പോകുന്ന തിരുവല്ല ഉള്‍പ്പെടെയുള്ള തിരഞ്ഞെടുപ്പുകളില്‍ ഈ നാടകം ആവര്‍ത്തിയ്ക്കും. - രാജ്മോഹന്‍ ഉണ്ണിത്താന്‍ പറഞ്ഞു.