• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മാറാട് പുനരധിവാസം നീട്ടിവയ്ക്കും

  • By Staff

തിരുവനന്തപുരം: പൊലീസ് സന്നാഹത്തോടെ മാറാട് പുനരധിവാസം നടത്താനുള്ള ശ്രമം സര്‍ക്കാര്‍ ഉപേക്ഷിച്ചേയ്ക്കും.

പകരം ഗാന്ധിസ്മാരകനിധിയുടെ മദ്ധ്യസ്ഥതയില്‍ ഇരുവിഭാഗത്തെയും കൂട്ടിയോജിപ്പിച്ച് മാറാട് പ്രശ്നത്തിന് പരിഹാരം കാണാനാണ് സര്‍ക്കാര്‍ ശ്രമം.

പുനരധിവാസപ്രശ്നത്തില്‍ പിടിവാശിയില്‍ നില്ക്കുന്ന ഹിന്ദുമുന്നണിയെയും മുസ്ലിംലീഗിനെയും ഒത്തുതീര്‍പ്പിലെത്തിയ്ക്കുന്ന ഫോര്‍മുലയ്ക്കാണ് ഗാന്ധിസ്മാരകമനിധിയുടെ സഹായത്തോടെ സര്‍ക്കാര്‍ ശ്രമിയ്ക്കുന്നത്.

വ്യാഴാഴ്ച കോഴിക്കോട്ട് അനുരഞ്ജന ചര്‍ച്ച നടത്താന്‍ തീരുമാനിച്ചിട്ടുണ്ട്. എന്നാല്‍ ബുധനാഴ്ച തന്നെ ഒരു ഒത്തു തീര്‍പ്പ് വ്യവസ്ഥ ഉണ്ടാവുകയാണെങ്കില്‍ അതിന്റെ വിശദാംശങ്ങളായിരിയ്ക്കും കോഴിക്കോട്ട് ചര്‍ച്ച ചെയ്യുക.

മുസ്ലിംലീഗിന്റെയും ഹിന്ദുമുന്നണിയുടെയും മുഖം രക്ഷിയ്ക്കുന്ന തരത്തില്‍ ഒരു ഒത്തുതീര്‍പ്പുഫോര്‍മുലയ്ക്ക് ഒക്ടോബര്‍ ഒന്ന് ബുധനാഴ്ച വൈകുന്നേരത്തോടെ ഗാന്ധിസ്മാരകനിധി രൂപം നല്കുമെന്ന പ്രതീക്ഷയിലാണ് സര്‍ക്കാര്‍. അതിനാല്‍ ഒക്ടോബര്‍ ഒന്ന് ബുധനാഴ്ച രാവിലെ നടത്താനിരുന്ന മന്ത്രിസഭായോഗം വൈകുന്നേരത്തേയ്ക്ക് മാറ്റിവച്ചു. വൈകുന്നേരത്തോടെ മാറാട് പ്രശ്നത്തില്‍ മന്ത്രിസഭ നിര്‍ണ്ണായക തീരുമാനം പ്രഖ്യാപിയ്ക്കും.

ബുധനാഴ്ച രാവിലെ മുഖ്യമന്ത്രി മാറാട് പ്രശ്നം പരിഹരിയ്ക്കാനുള്ള ചര്‍ച്ചകള്‍ നടത്തി. മാറാട് പ്രശ്നത്തെക്കുറിച്ച് സി ബി ഐ അന്വേഷണം ആവശ്യപ്പെടാമെന്ന് സംസ്ഥാന സര്‍ക്കാര്‍ ഭാഗികമായി സമ്മതിച്ചിട്ടുണ്ട്. മാറാട് പ്രശ്നത്തില്‍ ബാഹ്യ ശക്തികള്‍ ഗൂഢാലോചന നടത്തിയോ എന്ന വിഷയത്തെക്കുറിച്ച് അന്വേഷണം നടത്തണമെന്ന് ആവശ്യപ്പെടാമെന്നതാണ് സര്‍ക്കാരിന്റെ നിലപാട്. എത്രയും പെട്ടെന്ന് മാറാട്ട് പുനരധിവാസം നടത്തി മുസ്ലിം ലീഗിനെ കൂടെ നിറുത്തുക എന്നതാണ് ആന്റണി ഉദ്ദേശിയ്ക്കുന്ന ലക്ഷ്യം.

നേരത്തേ തന്നെ ഹിന്ദു സംഘടനകള്‍ തീരുമാനിച്ചിരുന്ന സെക്രട്ടേറിയറ്റിന് മുന്നില്‍ ഒക്ടോബര്‍ രണ്ടിന് നടത്തുന്ന മാറാട് നിരാഹാരം നടത്താന്‍ തന്നെയാണ് തീരുമാനം. മാറ്റമുണ്ടെങ്കില്‍ അത് ബുധനാഴ്ച വൈകീട്ടേ തീരുമാനമാവുകയുള്ളു.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more