പുനരധിവാസം ജനങ്ങള്‍ നടത്തും: പിണറായി

തിരുവനന്തപുരം: മാറാട് സര്‍ക്കാര്‍ പുനരധിവാസം നടത്തിയില്ലെങ്കില്‍ ജനങ്ങള്‍ പുനരധിവാസം നടത്തുമെന്ന് സിപിഎം സംസ്ഥാനസെക്രട്ടറി പിണറായി വിജയന്‍.

ഒക്ടോബര്‍ രണ്ട് വ്യാഴാഴ്ച ദേശീയ ബാലതരംഗത്തിന്റെ ഗാന്ധിജയന്തി ആഘോഷം ഉദ്ഘാടനം ചെയ്യുകയായിരുന്നു അദ്ദേഹം. മാറാട് പ്രശ്നം പരിഹരിയ്ക്കാന്‍ ഇപ്പോള്‍ അവസാനനിമിഷം ഒരു മധ്യസ്ഥന്‍ രംഗത്തെത്തിയിരിക്കുകയാണ്. ഇതെല്ലാം വ്യക്തമായ രഹസ്യഅജണ്ടയുടെ ഭാഗമാണെന്ന് എല്ലാവര്‍ക്കും അറിയാം. - പിണറായി പറഞ്ഞു.

ഗാന്ധിജയന്തിദിനത്തില്‍ മാറാട് പുനരധിവാസം നടത്താമെന്ന് സര്‍ക്കാര്‍ വാഗ്ദാനം നല്കിയതാണ്. സര്‍ക്കാര്‍ പുനരധിവാസം നടത്താന്‍ പരാജയപ്പെട്ട സ്ഥിതിയ്ക്ക് ഇനി അവിടെ ജനങ്ങള്‍ പുനരധിവാസപ്രവര്‍ത്തനം ഏറ്റെടുത്ത് നടത്തും. - പിണറായി പറഞ്ഞു.