നേതൃമാറ്റം മുരളി ഉന്നയിച്ചില്ല: ധവാന്‍

ദില്ലി: കേരളത്തില്‍ കോണ്‍ഗ്രസ് നേതൃത്വം മാറണമെന്ന കാര്യം കെപി സിസി പ്രസിഡന്റ് കെ. മുരളീധരന്‍ ഉന്നയിച്ചില്ലെന്ന് എല്‍.പി. സാഹി അച്ചടക്കസമിതി അംഗമായ ആര്‍.കെ. ധവാന്‍.

മുരളീധരന്‍ കൂടി അടുത്തുനില്ക്കുമ്പോഴാണ് വാര്‍ത്താലേഖകരോട് ധവാന്‍ ഇക്കാര്യം പറഞ്ഞത്. പക്ഷെ ഇതേക്കുറിച്ച് മുരളീധരന്‍ പ്രതികരിച്ചതുമില്ല.

അടിസ്ഥാനപരമായി എറണാകുളം തിരഞ്ഞെടുപ്പ് തോല്‍വി മാത്രമാണ് ചര്‍ച്ച ചെയ്യുന്നതെങ്കിലും നേതൃമാറ്റപ്രശ്നം ഉന്നയിച്ചാല്‍ അതും ചര്‍ച്ച ചെയ്യാമെന്ന് ധവാന്‍ പറഞ്ഞു. എല്‍.പി. സാഹി സമിതിയുടെ ആദ്യയോഗമാണ് ഒക്ടോബര്‍ ആറ് തിങ്കളാഴ്ച നടന്നത്. ഈ യോഗത്തിലേക്ക് സമിതി മുരളീധരനെയും വിളിച്ചുവരുത്തിയിരുന്നു. മുരളിയുടെ കയ്യില്‍ നിന്നും എറണാകുളം ഉപതിരഞ്ഞെടുപ്പിലെ പരാജയം സംബന്ധിച്ച റിപ്പോര്‍ട്ടും വാങ്ങി.