ജോണ് 3 കോടി ചെലവാക്കി: വേണുഗോപാല്
കൊച്ചി: എറണാകുളം ഉപതിരഞ്ഞെടുപ്പില് യുഡിഎഫ് സ്ഥാനാര്ത്ഥി ജോണിന് വേണ്ടി മൂന്ന് കോടി ചെലവഴിച്ചുവെന്ന് കോണ്ഗ്രസ് നേതാവും ഐ ഗ്രൂപ്പ് വക്താവുമായ എന്. വേണുഗോപാല്.
ഒക്ടോബര് ഏഴ് ചൊവാഴ്ച വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം. ബിജെപിയില് നിന്ന് 30,000 വോട്ടുകള് ലഭിയ്ക്കാന് ഏകദേശം 30 ലക്ഷം രൂപ ചെലവഴിച്ചെന്നും വേണുഗോപാല് ആരോപിച്ചു. ഇത് സംബന്ധിച്ച് തിരഞ്ഞെടുപ്പ് കമ്മീഷന് അന്വേഷിയ്ക്കണം. - വേണുഗോപാല് പറഞ്ഞു.
കോണ്ഗ്രസിന്റെ മണ്ഡലം പ്രസിഡന്റുമാര്ക്ക് 15,000 രൂപ വീതമാണ് നല്കിയത്. ബ്ലോക്ക് കോണ്ഗ്രസ് കമ്മിറ്റി നേതാക്കള്ക്ക് 20,000 രൂപ വീതവും നല്കി. ഓരോ ബൂത്തിനും വേണ്ടി 5,000 രൂപ വീതം നല്കി. 1214 ബൂത്തുകള്ക്കായി ഇങ്ങിനെ 67 ലക്ഷം രൂപ ചെലവാക്കിയിട്ടുണ്ട്. ഈ പണം എവിടെ നിന്ന് കിട്ടിയെന്ന് ആന്റണി അന്വേഷിയ്ക്കണം. - അദ്ദേഹം പറഞ്ഞു.
പരസ്യമായി ഗ്രൂപ്പ് കളിയ്ക്കുന്ന ഉമ്മന്ചാണ്ടിയ്ക്ക് യുഡിഎഫ് കണ്വീനര് സ്ഥാനത്ത് തുടരാന് അര്ഹതയില്ലെന്നും വേണുഗോപാല് പറഞ്ഞു.