മട്ടാഞ്ചേരി പാലം: സമിതി പഠിയ്ക്കും

കൊച്ചി: മട്ടാഞ്ചേരി ബിഒറ്റി(നിര്‍മ്മിച്ച് പ്രവര്‍ത്തിച്ചശേഷം കൈമാറല്‍ പദ്ധതി) പാലത്തിലെ ടോള്‍ നിരക്ക് സംബന്ധിച്ച് പഠിയ്ക്കാന്‍ മന്ത്രിസഭാ ഉപസമിതി രൂപീകരിച്ചു.

മന്ത്രിമാരും സമിതിയില്‍ അംഗങ്ങളായിരിക്കും. മുഖ്യമന്ത്രി എ.കെ. ആന്റണി ഒക്ടോബര്‍ എട്ട് ബുധനാഴ്ച അറിയിച്ചതാണ് ഇക്കാര്യം. ബുധനാഴ്ചത്തെ മന്ത്രിസഭായോഗത്തിലാണ് ഇത് സംബന്ധിച്ച് തീരുമാനമുണ്ടായത്.

മൂന്നാം തവണയും പാലത്തിലെ ടോള്‍ നിരക്ക് കൂട്ടിയതില്‍ പ്രതിഷേധിച്ച് പാലത്തിലൂടെയുള്ള സര്‍വീസ് സ്വകാര്യ ബസുകളും കെഎസ്ആര്‍ടിസിയും കഴിഞ്ഞ രണ്ട് ദിവസമായി നിര്‍ത്തിയിരിക്കുകയാണ്.

ഇതോടെ ആയിരക്കണക്കിന് യാത്രക്കാര്‍ ദുരിതത്തിലായിരിക്കുകയാണ്. ടോള്‍ നിരക്ക് തുടര്‍ച്ചയായി മൂന്നാം തവണയും കൂട്ടിയതില്‍ പ്രതിഷേധിച്ചാണ് പാലത്തില്‍ കൂടിയുള്ള ഗതാഗതം നിര്‍ത്താന്‍ സ്വകാര്യ ബസ് ഉടമകള്‍ തീരുമാനിച്ചത്. ഗാമണ്‍ ഇന്ത്യയാണ് ഈ പാലം നിര്‍മ്മിച്ചത്. മൂന്നു വര്‍ഷം മുന്‍പാണ് ഈ ബിഒറ്റി പാലത്തിന്റെ ഉദ്ഘാടനം കഴിഞ്ഞത്. മുമ്പ് രണ്ട് തവണ ടോള്‍ നിരക്ക് കൂട്ടിയിരുന്നു. അപ്പോഴും വാഹനങ്ങള്‍ പണിമുടക്കിയിരുന്നു.