സ്വാശ്രയമെഡി. സീറ്റ്: ഇക്കുറി സര്ക്കാര് ഫീസ്
തിരുവനന്തപുരം: സ്വാശ്രയമെഡിക്കല് കോളെജുകളിലെ മെറിറ്റ് സീറ്റുകളില് ഈ വര്ഷം ഗവ. മെഡിക്കല് കോളെജുകളില് നിലവിലുള്ള വാര്ഷിക ട്യൂഷന് ഫീസ് ഏര്പ്പെടുത്തിയാല് മതിയെന്ന് ധാരണ. മന്ത്രിസഭാ ഉപസമിതി മാനേജ്മെന്റ് പ്രതിനിധികളുമായി നടത്തിയ ചര്ച്ചയിലാണ് ഇത് സംബന്ധിച്ച് ധാരണയായത്.
പുഷ്പഗിരി മെഡിക്കല് കോളെജ് ഉള്പ്പെടെ എല്ലാ സ്വാശ്രയ മെഡിക്കല് കോളെജുകളും ഇത്തവണ മെറിറ്റ് സീറ്റുകളില് സര്ക്കാര് നിരക്കിലുള്ള ഫീസേ ഈടാക്കൂ എന്ന് സമ്മതിച്ചിട്ടുണ്ടെന്നും ചര്ച്ചയ്ക്ക് ശേഷം സമിതി അംഗങ്ങളായ മന്ത്രിമാര് പി.കെ. കുഞ്ഞാലിക്കുട്ടി, നാലകത്ത് സൂപ്പി, കടവൂര് ശിവദാസന് എന്നിവര് അറിയിച്ചു.
മെറിറ്റ് സീറ്റുകളില് പ്രവേശനം നേടിയ കുട്ടികള്ക്ക് ഫീസിന്റെ കാര്യത്തില് പ്രശ്നമുണ്ടാകില്ലെന്നും മന്ത്രിമാര് ഉറപ്പുനല്കി. ഫീസ് സംബന്ധിച്ച് സര്ക്കാരും മാനേജ്മെന്റുകളും തമ്മിലുള്ള കേസുകള് പിന്വലിയ്ക്കാനും ധാരണയായി.
ചര്ച്ചയിലുണ്ടായ ധാരണ നൂറു ശതമാനവും അംഗീകരിയ്ക്കുന്നുവെന്നും നഷ്ടം സഹിച്ചും സര്ക്കാരുമായി സഹകരിയ്ക്കുമെന്നും മാനേജ്മെന്റ് പ്രതിനിധികള് പറഞ്ഞു. അതേ സമയം ധാരണാപത്രത്തില് ഒപ്പുവയ്ക്കാന് മാനേജ്മെന്റുകള് തയ്യാറായിട്ടില്ല.