300 വിഎച്ച്പി പ്രവര്‍ത്തകര്‍ അറസ്റില്‍

അയോധ്യ: വിശ്വഹിന്ദു പരിഷത്ത് 17ന് നടത്തുമെന്ന് പ്രഖ്യാപിച്ച രാം ദര്‍ശന്‍ സമ്മേളനത്തില്‍ പങ്കെടുക്കാന്‍ കാണ്‍പൂര്‍ റെയില്‍വേ സ്റേഷനില്‍ എത്തിയ 300 വിഎച്ച്പി പ്രവര്‍ത്തകരെ പൊലീസ് അറസ്റ് ചെയ്തു.

ഒക്ടോബര്‍ 14 ചൊവാഴ്ച രാവിലെയാണ് ഇവരെ അറസ്റ് ചെയ്തത്. കഴിഞ്ഞ ദിവസങ്ങളില്‍ ഇതിനകം 10,000 വിഎച്ച്പി പ്രവര്‍ത്തകരെ മുലായം സിംഗ് സര്‍ക്കാര്‍ ജയിലിലടച്ചിട്ടുണ്ട്.

അറസ്റ് മുന്നില്‍ കണ്ട് അശോക് സിംഗാള്‍ ഉള്‍പ്പെടെയുള്ള മുതിര്‍ന്ന വിഎച്ച്പിയുടെ നേതാക്കളെല്ലാം ഒളിവിലാണ്. രാം ദര്‍ശന്‍ സമ്മേളനം നടത്താന്‍ അനുവദിച്ചില്ലെങ്കില്‍ യുപിയില്‍ കലാപം ഉണ്ടാകുമെന്ന് വിഎച്ച്പി നേതാവ് പ്രവീണ്‍ തൊഗാഡിയ യുപി സര്‍ക്കാരിനെ ഭീഷണിപ്പെടുത്തിയിരിക്കുകയാണ്.

ഇതിനിടെ അവസാനതീരുമാനം കൈക്കൊള്ളാന്‍ ഉപപ്രധാനമന്ത്രി എല്‍.കെ. അദ്വാനി ആര്‍എസ്എസ് , വിഎച്ച്പി നേതാക്കളുമായി രഹസ്യകൂടിക്കാഴ്ച നടത്താന്‍ പോകുന്നതായും അറിയുന്നു.