ബാംഗ്ലൂരില് വയര്ലെസ് ഇന്റര്നെറ്റ്
ബാംഗ്ലൂര്: ഇന്ത്യയിലെ ആദ്യത്തെ വൈ-ഫി നഗരമായി ബാംഗ്ലൂര് മാറുന്നു. സിഫിയുടെ വയര്ലെസ് ബ്രോഡ്ബാന്ഡ് കണക്ഷന് ലഭിയ്ക്കുന്നതോടെയാണ് ബാംഗ്ലൂരിന് ഈ ബഹുമതി ലഭിയ്ക്കുക.
വിധാന് സൗധ, ഇന്ത്യന് ഇന്സ്റിറ്റ്യൂട്ട് ഓഫ് മാനേജ് മെന്റ്, വിവിധ ഹോട്ടലുകള്, റസ്റോറന്റുകള് എന്നിവിടങ്ങളില് വയര്ലെസ് ഇന്റര്നെറ്റ് സിഫി ലഭ്യമാക്കും. സിഫി ഐവേ ഇന്റര്നെറ്റ് കഫേകളിലും ഈ സൗകര്യം ലഭ്യമാകുമെന്ന് കമ്പനിയുടെ പ്രസിഡന്റും സിഇഒയുമായ ജോര്ജ്ജ് സക്കറിയാസ് പറഞ്ഞു.
നഗരത്തില് 120 പ്രധാനകേന്ദ്രങ്ങളില് സിഫിയുടെ വയര്ലെസ് ഇന്റര്നെറ്റ് സൗകര്യം ലഭിയ്ക്കും. വൈ-ഫൈ സൗകര്യമുള്ള ലാപ്ടോപ്പുകള് വഴി മണിയ്ക്കൂറില് 60 രൂപയ്ക്ക് വയര്ലെസ് ഇന്റര്നെറ്റ് കണക്ഷന് ലഭിയ്ക്കും. ബാംഗ്ലൂരിലെ ലാപ്ടോപ് ഉപയോക്താക്കളുടെയും ഇവിടെയെത്തുന്ന രാജ്യാന്തരസഞ്ചാരികളുടെയും എണ്ണം കണക്കിലെടുത്താണ് നഗരത്തില് ഈ സൗകര്യം ഏര്പ്പെടുത്തുന്നതെന്നും ജോര്ജ്ജ് സക്കറിയാസ് പറഞ്ഞു.
വീഡിയോ കോണ്ഫറന്സിങ്ങ് അടക്കമുള്ള സൗകര്യങ്ങളോടെ കൂടുതല് നഗരങ്ങളിലേക്ക് ഈ സൗകര്യം വൈകാതെ വ്യാപിപ്പിയ്ക്കും. ഇന്ത്യാ-ന്യൂസിലാന്റ് ഏകദിനമത്സരങ്ങളില് ആദ്യമത്സരം നടക്കുന്ന ചെന്നൈയിലെ എം.എ. ചിദംബരം സ്റേഡിയത്തില് മാധ്യമപ്രതിനിധികള്ക്ക് ഈ സൗകര്യം നല്കുമെന്നും ജോര്ജ്ജ് സക്കറിയാസ് അറിയിച്ചു.
Click it and Unblock the Notifications
Sign in with Google