സിപിഎമ്മുമായി ചര്‍ച്ചനടന്നില്ല: കരുണാകരന്‍

ദില്ലി: സിപിഎമ്മുമായി താന്‍ യാതൊരുവിധ രാഷ്ട്രീയചര്‍ച്ചയും നടത്തിയിട്ടില്ലെന്ന് കെ. കരുണാകരന്‍. എ.കെ. ആന്റണി മുഖ്യമന്ത്രി സ്ഥാനമൊഴിഞ്ഞാല്‍ കേരളത്തില്‍ ഐയും എയുമായി യോജിച്ചുപോകാന്‍ യാതൊരു ബുദ്ധിമുട്ടുമില്ലെന്ന് കെ. കരുണാകരന്‍ വ്യക്തമാക്കി.

ദില്ലിയില്‍ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. ബദല്‍ സര്‍ക്കാരുണ്ടാക്കാന്‍ സിപിഎം ക്ഷണിച്ചതിനെക്കുറിച്ച് ചോദിച്ചപ്പോഴായിരുന്നു കരുണാകരന്റെ ഈ പ്രതികരണം. അവരും ഞാനുമായി എന്തു ബന്ധം? അവരുമായി യാതൊരു കാര്യവും സംസാരിച്ചിട്ടില്ല. ചര്‍ച്ച നടത്തിയിട്ടില്ല. - കരുണാകരന്‍ പറഞ്ഞു.

അതേ സമയം ബിജെപിയെ പരാജയപ്പെടുത്താന്‍ കോണ്‍ഗ്രസുമായി സഹകരിയ്ക്കുന്നവരെ കൂടെ നിര്‍ത്തുന്നതില്‍ തെറ്റില്ല. കേരളത്തില്‍ ഗ്രൂപ്പിസം എന്നുമുണ്ടായിരുന്നു. ഐയും എയുമായി യോജിച്ചുപോകാന്‍ ഒരു പ്രയാസവുമില്ല. ആന്റണി സ്ഥാനമൊഴിഞ്ഞാല്‍ ഒരുമിച്ച് പ്രവര്‍ത്തിയ്ക്കാന്‍ എന്തുസുഖമാണ്?- ആന്റണി പറഞ്ഞു.

നേതൃമാറ്റം വേണം എന്ന കാര്യം ഐക്കാരെ സംബന്ധിച്ചിടത്തോളം നിര്‍ബന്ധമാണെന്ന് അദ്ദേഹം പറഞ്ഞു.